اسلام آباد – 15 – آڪٽوبر (اي پي پي) صدر آصف علي زرداري سان چ??ن جي وزيراعظم لي چيانگ ملاقات ڪئي آهي. ايوان صدر ۾ ٿيندڙ ملاقات ۾ معيشت، سيڙپڪاري ۽ علائقائي رابطن سميت اهم شعبن ۾ ٻطرفو اسٽريٽجڪ تعاون وڌيڪ گهرو ڪرڻ جي عزم جو ورجاءُ ڪندي چيو ويو ته ٻئي ملڪ پاڪ – چين اقتصادي لنگهه منصوبن تي عملدرآمد تيز ڪن. ايوان صدر جي پريس ونگ پاران جاري بيان موجب ان موقعي تي ص??ر چيو ته چين سان دوستي پاڪستان جي پرڏيهي پاليسي جو اهم جز آهي، هن ٻنهي ملڪن جي وچ ۾ تعاون جون نيون راهون ڳ??لڻ جي اهميت تي زور ڏنو ۽ چيو ته پاڪ چين لاڳاپن کي سگهه ڏيڻ جي وڌيڪ گنجائش موجود آهي. صدر ??اپ??ري ۽ عوامي رابطا مضبوط بڻائڻ جي لاءِ رستن جي ذريعي رابطا وڌائڻ جي ضرورت تي زور ڏيندي چيو ته چيني ڪمپنين کي پاڪستان اسٽاڪ ايڪسچينج ۾ سيڙپڪاري سان پاڪستان ۾ موجود موقعن مان فائدو کڻڻ گهرجي.
هن چيو ته سي پيڪ ۽ گوادر پورٽ جي مدد سان چ??ن جي اقتصادي ترقي مان ڀرپور فائدو کڻڻ جو وقت اچي ويو آهي. صدر کيس ٻڌايو ته هو هلندڙ سال نومبر ۾ چ??ن جو دورو ڪرڻ جو ارادو رکي ٿو، هو پراڻي دوستن سان رابطا قائم ڪرڻ ۽ لاڳاپا وڌيڪ مضبوط بڻائڻ جي لاءِ ڳالهه ٻولهه جو منتظر آهي. صدر ملاقات دوران پنهنجي حڪومت جي دور ۾ چ??ن جي ڪيل گذريل دورن تي روشني وڌي ۽ چيو ته پاڪستان کي گڏيل اهميت جي اهم مسئلن تي چ??ن جي سدائين مستقل حمايت حاصل رهي آهي. هن دهشتگرد حملي ۾ ٻن چيني شهر??ن جي مارجڻ تي دلي تعزيت جو اظهار ڪيو ۽ چيو ته اهو دل ڏکوئيندڙ واقعو پوري قوم جي لاءِ تڪليف جو سبب بڻيو. ص??ر چيو ته پاڪ چين دوستي جا دشمن چيني شهرين کي نشانو بڻائي ٻطرفا لاڳاپا خراب ڪرڻ ۽ سي پيڪ منصوبن کي متاثر ڪرڻ جي ڪوشش ڪري رهيا آهن. ص??ر چيو ته دشمن پنهنجي ڪڌي ڪوششن ۾ ڪامياب نه ٿيندا، هن ڏوهارين کي مثالي سزا ڏيڻ جي پاڪستان جي عزم جو اظهار ڪيو. صدر آصف علي زرداري ايوان صدر ۾ عوامي جمهوريه چ??ن جي رياستي ڪائونسل جي وزيراعظم لي چيانگ جي اعزاز ۾ مانجهاندو پڻ ڏنو، وزيراعظم محمد شهباز شريف ۽ سينيٽ چيئرمين سيد يوسف رضا گيلاني پڻ مانجهاندي ۾ شرڪت ڪئي.
