اسلام آباد ۔ 12 مارچ (اے پی پی) وزیر اعظم محمد نواز شریف آکھے جو ہولی دے خوشی دے موقعے تے سارے پاکستان دی ہندو برادری کوں مبارخ ڈینداں ، اے موسم دی تبدیلی اتے بہار دی آمددا ا علان ہے‘ ایں تہواراچ امید دا پیغام ہے،او امید جیہڑی اساکوں ہک بہتر مستقبل دی خبر ڈیندی ہے ، اے گالھ دی نوید ہے جو جیہڑی طرح سردیاں دا موسم ماکا موسم بہار اچ تبدیل تھیندے ، ایں طرح معاشریاں دے حالات وی تبدیل تھیندے ہن ۔ پاکستان دا موسم وی تبدیل تھیندا پئے ، اتے اتھاں بہار دے او ڈینھ واپس آندے پئے ہن جنہان دی تلاش اچ مذاہب وچال پر امن بقائے باہمی دی بنیاد رکھی گئی۔ ہندو برادری دے خوشی دے تہوار ہولی دے موقعے تے آپنڑیں خصوصی پیغام اچ انہاں آکھیا جو پاکستان ایں سانگے قائم تھیا ہئی جو اے مسلماناں ہی کیتے نہیں، ایں خطے اچ آباد ہر قبیلے اتے برادری کیتے امن دا مرکز بنڑ گئے ۔ قائد اعظم 11 اگست1947ءہی کوں واضح کرڈتا ہئی اتھاں مذہب دی بنیاد تے کہیں دے نال کئی امتیازی سلوک رواکائنی رکھیا ویسی ۔ قائد اعظم ایں تقریر اچ مذہبی اقلیتاں دے نال او وعدہ کیتا ہئی ، ریاست پاکستان ایں کوں نبھاونڑ دی پابند ہے اتے ایں معاملے اچ کوتاہئی کہیں صورت برداشت کائناں کیتی ویسی ۔ وزیر اعظم آکھیا جو پاکستان دی ہندو برادری آپنڑیں مسلمان اتے بئے مذہباں دے بھراواں اتے بھنڑیں دے نال رل تے جیہڑی طرح وطنِ عزیز دی ترقی اچ آپنڑاں کر دار ادا کیتے۔
وزیر اعظم اسلامی جمہوریہ پاکستان محمد نواز شریف داہولی دے موقعے تے سنیہا
مضمون کا ماخذ : estatisticas lotomania
متعلقہ مضامین
.jpg)
.jpg)
