سوشل میڈیا تے گستاخانہ مواد امت مسلمہ دے جذبات نال کھیڈنڑ دی ناپاک کوشش ہے، وزیر داخلہ وختی طور تے گستاخانہ مواد دی بندش دے حوالے نال سارے ضروری اقدامات کرن تے ایندے ذمے واراں کوں بلاتاخیر کیفر کردار تئیں پجاون، سارے متعلقہ اداریں ایں طرح دا مواد کھنڈاونڑ آلیں دا پتہ لاونڑ اچ انہاں کوں قنون دے مطابق کڑی سزا ڈیواونڑ سانگے متحرک تھی ونجن ،ایں سلسلے اچ اقدامات نال روزانہ دی بنیاد تے ڈسایا ونجے ۔
اسلام آباد ۔ 14 مارچ (اے پی پی) وزیر اعظم محمد نواز شریف آکھیا ہے جو حضور پاک حضرت محمد نال محبت تے عقیدت ہر مسلمان دا ساریں توں قیمتی سرمایہ ہے۔ اے اساڈے دین دی اساس ہے۔ حضور دی شان اچ کہیں طرح دی وی گستاخی نا قابل معافی ہے۔ ایں سلسلے اچ کہیں وی سطح تے کوئی کوتاہی برداشت کائناں کیتی ویسی۔ وزیر داخلہ وختی گستاخانہ مواد دی بندش دے حوالے نال سارے ضروری اقدامات کرن تے ایندے ذمے واراں کوں بلاتاخیر کیفر کردار تئیں پجاون۔ منگل کوں وزیراعظم آفس دے پریس ونگ ولوں جاری بیان دے مطابق وزیر اعظم آکھیا جو اے حقیقت نی بھلنڑ ی چاہیدی جو حضرت محمد پوری انسانیت دے محسن ہن۔ ناموس رسالت بارے اچ مسلماناں دی شدید حساسیت دا احترام کیتا ونجنڑاں چاہیدا ہے ۔ وزیراعظم آکھیا جو سوشل میڈیاتے گستاخانہ مواد امت مسلمہ دے جذبات نال کھیڈنڑ دی ناپاک کوشش ہے۔ انہاں آکھیا جو ایں مواد کوں ہٹاونڑ تے ایندا رستہ روکنڑ سانگے وختی تے موثر اقدامات کیتے ونجن۔ سارے متعلقہ ادارے ایں طرح دا مواد کھنڈاونڑ آلیں دا سراغ لاون تے انہاں کوں قنون دے مطابق سزا ڈیونڑ سانگے متحرک تھی ونجن ۔ ایں امر کوں وی یقینی بنڑایا ونجے جو ناموس رسالت دے قنون کوں ذاتی مقصد سانگے استعمال کرنڑ آلیں دا محاسبہ کیتا ونجے ۔وزیراعظم آکھیا جو سوشل میڈیا دے بین الاقوامی اداریں توں وی رجو ع کرتے گستاخانہ مواد دی بند ش دی ہر ممکن کوشش کیتی ونجے تے ایں سلسلے اچ دفتر خارجہ موثر کردار ادا کرے ۔وزیراعظم آکھیا جو ایں معاملہ عدالت اچ زیر سماعت ہے ۔ایں سلسلے اچ عدالتی گائیڈ لائن دے مطابق سارے ضروری اقدامات کیتے ونجن ۔وزیراعظم وزیر داخلہ چوہدری نثار علی خان کوں ہدایت کیتی جو اووختی گستاخانہ مواد دی بندش دے حوالے نال سارے ضروری اقدامات کرن تے ایندے ذمے واراں کوں وختی کیفر کردار تئیں پجاون۔ اتے اینکوں بہوں قابل مذمت اقدام دی مکمل بیخ کنی کرن۔ وزیراعظم آکھیا جو ایں سلسلے اچ انہاں کوںروزانہ دی بنیاد تے اقدامات بارے ڈسایا ونجے ۔
حضرت محمد پوری انسانیت دے محسن ہن، حضور دی شان اچ کہیں طرح دی وی گستاخی نا قابل معافی ہے، وزیر اعظم محمد نواز شریف
مضمون کا ماخذ : لوٹیریا سانتا کیٹرینا
متعلقہ مضامین
.jpg)
.jpg)
