عارضی طورتے نقل مکانی کرنڑ آلے لوکاں سانگے ہنگامی امداداتے بحالی اچ معاونت دے حوالے نال عالمی ادارہ برائے خوراک تے زراعت دا کردار قابل تحسین ہے
اسلام آباد ۔ 6 اکتوبر (اے پی پی) وزیراعظم محمد نوازشریف پاکستان اچ تخفیف غربت اتے غذائی تحفظ اچ عالمی ادارہ برائے خوراک تے زراعت (ایف اے او) دیاں خذمتاں کوں چنگاں اکھیندے ہوئیں عارضی طو ر تے نقل مکانی کرنڑ آلے لوکاں سانگے ہنگامی امداد اتے بحالی اچ تعاون نال ایف اے او دا کردار قابل تحسین ہے ۔انہاں اے گالھ ایف اے او دے ڈائریکٹر جنرل جوزے گرازیانیو ڈیسلوانال خمیس کوںوزیراعظم ہائوس اچ گالھ مہاڑ کریندے ہوئیں آکھی ۔وزیراعظم پاکستان اچ پائیدار روزگار تے دیہی ترقی سانگے ادارے دے اقدامات دی تعریف کریندے ہوئیں آفت زدہ علاقیں اچ ادارے دے روزگار دے پروگرام وی لائق تحسین ہن ۔وزیر اعظم ہائوس ولوں جاری بیان دے مطابق نواز شریف آکھیا جو حکمت ایف اے او دی غذائی تحفظ متعلق سرگرمیاں اچ ہر ممکن تعاون کریسی۔ جوزے گرازیانیو ڈیسلوا آکھیا جو انہاں دا ادارہ غذائی تحفظ دے حصول سانگے کوشاں ہے تاں جو لوکاں کوں اعلیٰ معیار تے وافر غذا تئیں باقاعدہ رسائی یقینی بنڑائی ونج سگے ۔انہاں آکھیا جو ادارے دیاں کوششاں دا مقصد پائیدار انتظام اتے اراضی ،پانڑیں تے ہوا موسم تے نامیاتی وسائل د ے استعمال دے ذریعے سرگرم اتے صحت مند زندگی سانگے لوکاں کوں بااختیار بنڑاونڑ ہے ۔انہاں وزیراعظم کوں پاکستان تے مختلف شعبے اچ ایف اے او دے مختلف جاری منصوبیں بارے وی ڈسایا ۔وفد اچ اتاشی ڈی کیبنٹ ایف اے او کائی مہارا، اور ایف اے او دے کنٹری نمائندے پیٹرک ٹی ایونز شامل ہن۔ ایں موقع تے وزیر غذائی تحفظ تے تحقیق سکندر حیات بوسن وی موجود ہن۔
وزیراعظم محمد نوازشریف دی ایف اے او دے ڈائریکٹر جنرل جوزے گرازیانیو ڈسلوا نال ملاقات
مضمون کا ماخذ : کمپیوٹر لاٹری
متعلقہ مضامین
.jpg)
.jpg)
