چين د پاكستان برآمدات ته د ودې وركولو او د دواړو هېوادونو ترمينځه د تجارتي توازن ښه كولو خواهش څرګند كړې۔د خارجه وزير شاه محمود قرېشي د چين خارجه وزير وانګ يې سره شريك خبري كنفرنس ته وېنا

APP91-210322 ISLAMABAD: March 21 Foreign Minister Makhdoom Shah Mahmood Qureshi, warmly welcomed Chinese State Councilor and Foreign Minister Wang Yi, upon his arrival at the Ministry of Foreign Affairs. APP

اسلام آباد 21 مارچ (اے پي پي)خارجه وزير شاه محمود قرېشي وئېلي دي چې چين د پاكستان برآمدات ته د ودې وركولو او د دواړو هېوادونو ترمينځه د تجارتي توازن ښه كولو خواهش څرګند كړې۔د ګل په ورځ د چين خارجه وزير وانګ يې سره يوځاې په خارجه وزارت كښې د خبري كنفرنس په مهال خارجه وزير ووئيل چې مونږ د دوه اړخيزه تجارت او د سرمايه كارۍ د موقعو په بشپړه توګه جاج اخستې۔د دې نه علاوه دواړو هېوادونو د تعليم او كركيلې پشمول په بېلا بېلو څانګو كښې د تفاهم يادښتونه هم لاس ليك كړې دي۔شاه محمود قرېشي ووئيل چې مونږ د او آئي سي خارجه وزيرانو كونسل د غونډې په موقع په دوه اړخيزه ملاقاتونو هم اتفاق كړې۔دوه ووئيل چې د مونږ د دوه اړخيزه اړيكو٬سيمه ايزو چېلنجونو او د يوكرين د بدلېدونكي صورتحال هم جاج اخستې۔ده وئيل چې مونږ سيم پېك تر افغانستان په پراخا كولو هم خبرې كړې دي٬د چين خارجه وزير وائي چې مونږ په افغانستان كښې د بدلېدونكو حالاتو له امله د صورتحال بېرته جاج اخستلې شو۔خارجه وزير ووئيل جې دا وړومبۍ موقع ده چې د چين خارجه وزير د او آئي سي د خارجه وزيرانو د كونسل په غونډه كښې ګډون كوي او دا د پاكستان او چين ترمينځه د خاص اړيكو عكاسي كوي۔ده ووئيل چې پاكستان د دې حقيقت اعتراف كوي چې چين او آئي سي سره مرسته او اسلامي هېوادونو سره تفاهم ته وده وركول غواړي۔د افغانستان بدلېدونكي صورتحال په اړه خارجه وزير شاه محمود قرېشي ووئيل چې د چين پاكستان او افغانستان د درې اړخيزه خبرو پېل كولو يو ځل بيا موقع ده۔ده ووئيل چې هغه به ډېر زر د چين خارجه وزير په بلنه د افغانستان د ګاونډي هېوادونو په غونډه كښې ګډون كولو لپاره د چين دوره وكړي٬د ترهه ګرۍ مخ نيوي په اړه شاه محمود قرېشي ووئيل چې دواړو هېوادونو د ايسټ تركستان موومنټ او د ټي ټي پي پشان د تنظيمونو مخ نيوي لپاره په مربوط انداز خپلولو اتفاق كړې كوم چې امن او سلامتيا لپاره خطر دي۔خارجه وزير د پاكستان په سټېټ بانك كښې د دوه اربه ډالرو جمع كولو د چين په اعلان مننه وكړه۔د چين خارجه وزير وانګ يې د او آئي سي د خارجه وزيرانو د كونسل غونډې ته په بلنه د پاكستان مننه وكړه او وې وئېل چې پاكستان د چين مهم تزويراتي شراكتدار دے٬د دواړو هېوادونو ترمينځه د قوي بنيادونو اړيكې دي۔ده ووئيل چې مونږ پاكستان سره ستراتېژېكي شركت لا مستحكم كول او په ټولو څانګو كښې مرسته زياتولو غواړو٬چين په نړيوالو فورمونو د پاكستان مرسته جاري ساتلو لپاره پوخ عزم لري۔ده ووئيل چې پاكستان سره د سي پېك پشمول بېلا بېلو پرمختيائي پروژو ته پراختيا وركول غواړو

مضمون کا ماخذ : آن لائن لاٹری کے انعامات