اسلام آباد 12 فروري (اے پي پي) خارجه وزير مخدوم شاه محمود قريشي وئيلي دي چې منجمد مالي اثاثې د افغان اولس دي او بايد هغوي ئې د استعمال پرېكړه په خپله وكړي. د افغانستان د منجمد اثاثو په اړه د خالي په ورځ په خپل يو بيان كښې ده ووئيل چې پاكستان د وړومبې ورځې نه وائي چې د افغانستان منجمد اثاثې دې غېر منجمد كړې شي. ده ووئيل چې خالات خرابېږي او په هېواد كښې بحران پېدا شوے. د دې بحران مقابله كول زمونږ شريكه ذمه واري ده. ده ووئيل چې د دسمبر په 19مه نېټه په اسلام آباد كښې د او آئي سي د خارجه وزيرانو د كونسل په غېر معمولي غونډه كښې يو قرارداد منظور كړے شوے و چې پكښې د افغانستان مرستې لپاره د منجمد فنډ جاري كولو غوښتنه شوې وه. ده ووئيل چې د امريكې د پرېكړې له مخې انساني مرستې لپاره به 3.5 اربه ډالر ا و د نائن الېون پېښې ځپلو ته به 3.5 اربه ډالر وركولې شي او په دې پرېكړه د افغان اولس اندېښنې وې او دوي وئيل چې دا د دوي پېسه ده او بايد دوي ئې په خپله د استعمال پرېكړه وكړي. ده ووئيل چې د افغانستان خلق غوښتنه كوي چې د دوي انساني مرستې ته اړتيا لري او د دوي وسيلې دې دوي ته وركړې شي.ده ووئيل چې زمونږ رايه دا ده چې منجمد اثاثې د افغانستان د خلقو ملكيت دے او دا ضروري ده چې دا رقم د افغانستان خلقو ته ورسي. د دې تقسيم دې د ملګرو ملتونو د تنظيمونو د لارې وكړې شي. شاه محمود قريشي ووئيل چې په افغانستان د خوراك كمي له امله اولس او په خاص توګه مېرمنې او ماشومان ځپلي كېږي. مونږ غواړو چې په افغانستان كښې د جينكو سكولونه او روغتونونه فعاله وي. ده ووئيل چې په افغانستان كښې د سكولونو د ښوونكو تنخاګانې ادا كولو لپاره د رقم ضرورت دے. ده ووئيل چې په افغانستان كښې معاشي تباهي د چا په ګټه هم نه ده. په افغانستان كښې د امن او امان صورتحال ښه شوے خو خلق سخت معاشي صورتحال سره مخ دي.
منجمد مالي اثاثې د افغان اولس دي او بايد هغوي ئې د استعمال پرېكړه په خپله وكړي. خارجه وزير مخدوم شاه محمود قريشي
مضمون کا ماخذ : جیتنے والی لاٹری
متعلقہ مضامین
.jpg)