لاہور۔21 مئی(اے پی پی )وفاقی وزیر منصوبہ بندی ، ترقی و اصلاحات پروفیسراحسن اقبال آکھے جو حکومت اتفاق رائے نال احتساب دے ایں طرح دے خود مختار ادارے دے قیام اچ سنجیدہ ہے جیہڑا جو مستقبل اچ پاکستان اچوں کرپشن اتے بد عنوانی کوں مکا سگے ، ٹی او آرز تے پارلیمانی کمیٹی بنڑ گئی ہے ، ایں طرح دے ٹی او آرز ہونڑیں چاہیدے ہن جو انہاں اچوں سارے لنگھ ونجن، آف شور کمپنیاں بارے شور مچاونڑآلے آپ آف شور کمپنیاں دے مالک نکلے، پارلیمانی کمیٹی دے قیام دے بعد ٹی وی ٹاک شوز اتے جلسیاں اچ عدالت نہیں لاونڑیں چاہیدی ۔ او اتھاں لہوراچ ڈاکٹرز کالونی اچ جامع مسجد ارقم ضمیر اتے دارالسلام ایجوکیشنل کمپلیکس دے افتتاح دے بعد میڈیا نال گالھ مہاڑ کریندے پئے ہن ۔ وفاقی وزیر آکھیا جو آف شور کمپنیاں دا شور مچاونڑ آلے اصل اچ 2018دے انتخابات توں ڈردے پئے ہن ۔ انہاں آکھیا جو کہیں وی بہانے نال سیاسی عدم استحکام پیدا کرنڑ دی کوشش قومی فیدے اچ کائنی ۔ انہاں آکھیا جو سی پیک دا خطے اچ مرکزی کردار ہے اتے دنیا دے مختلف ملکاں دے تھنک ٹینکس ایندی اہمیت تے ریسرچ کریندے پئے ہن ۔ انہاں آکھیا جو ادھی توں ودھ لوڈشیڈنگ تے قابو پاگھدا گئے ، 2018اچ لوڈشیڈنگ دے جن کوں پوری طرح بوتل اچ بند کرڈیسوں۔
حکومت اتفاق رائے نال احتساب دے خود مختار ادارے دے قیام اچ سنجیدہ ہے ، ٹی او آرز تے پارلیمانی کمیٹی بنڑ گئی ہے ، وفاقی وزیر منصوبہ بندی ، ترقی و اصلاحات پروفیسراحسن اقبال
مضمون کا ماخذ : ٹمپل ٹمبل
متعلقہ مضامین
.jpg)
.jpg)
