راولپنڈی ۔ 12 فروری (اے پی پی) وزیر مملکت اطلاعات ، نشریا ت و ثقافتی ورثہ مریم اورنگزیب آکھے جو وزیر اعظم محمد نواز شریف دی قیادت اچ پاکستان ہر شعبے اچ اگوں ودھدا پئے ، وزیر اعظم دی قیادت اچ دہشت گردی اُتے قابو پاتے اتے کھیڈاں دے میدان آباد کیتے ہن۔ عمران خان کھیڈاں دی ترقی راولپنڈی اچ یونین کونسل دی سطح اُتے آ تے ڈیکھن ،تنقید کرنڑآلے پنجاب دی ترقی کوں ڈیکھ گے تنقید بھُل ویسن ، جیہڑا جو نہ صرف سیاست کرنڑ آلے ہن انہاں ولا آونڑ دی توفیق کائنی تھئی ۔ ہیلتھ کیئر پروگرام پاکستان اتے ایشیا دا وڈا پروگرام ہے، پرائم منسٹر ایجوکیشن پروگرام مثالی پروگرام ہے،ساری دنیا پاکستان دی ترقی اتے اداریاں دی چنگائی دی گالھ کریندی پئی ہے ۔ ملک اچ 18توں 20گھنٹے دی لوڈشیڈنگ 3توں 4گھنٹے تئیں رہ گئی ہے ۔ 30سالہ ملکی تریخ اچ کڈاہئیں ایڈے منصوبیاں اُتے کم کائنی تھیا، جیڈا گزریل ساڈھے ترائے سالیں اچ تھئے ۔ سارے منصوبے ایں سال اتے آندے سال دے شروع اچ پورے تھی ویسن ۔ اے منصوبے پاکستان دے لوکیں اتے سارے صوبیاں کیتے ہن۔ اے گالہیں انہاں ڈوجھے شہبازشریف ٹی 20 کرکٹ دے فائنل دے موقعے تے میڈیا نال الیندے ہوئیں آکھیاں۔ انہاں آکھیا جو دہشت گردی توں کھیڈاں دے میدان تئیں دا سفر بہوں اوکھا ہئی ،2013اچ ملک اچ لگ بھگ 2500دہشت گردی دے واقعے تھئے ہن ، اج پاکستان اچ دہشت گردی دے واقعات گھٹ تھی تے 160 تئیں رہ گئے ہن ۔ چودھری نثار علی خان وزیراعظم دی قیادت اچ ملک اچوں دہشت گردی کوں مکاونڑ کیتے ڈینھ رات روجھے ہوئے ہن ۔
وزیر اعظم محمد نواز شریف دی قیادت اچ پاکستان ہر شعبے اچ اگوں ودھدا پئے ، وزیر مملکت اطلاعات و نشریات مریم اورنگزیب
مضمون کا ماخذ : میان میجک وائلڈ فائر
متعلقہ مضامین
.jpg)
.jpg)
