سرکاری یونیورسٹیاں اچ استاداں دی گھٹکی تشویشناک ہے ،سرکاری یونیورسٹیاں کوں عالمی معیار دے مطابق پرائیوٹ یونیورسٹیاں دے برابر گھن آونڑاں ہوسی
فیصل آباد۔10 نومبر(اے پی پی )گورنر پنجاب تے چانسلر جامعہ زرعیہ ملک محمد رفیق رجوانہ آکھیا ہے جو صوبے اچ پرائیویٹ سیکٹر اچ نویں جامعات دی ودھدی ہوئی تعداد پاروں سرکاری یونیورسٹیاں اچ استاداں دی گھٹکی تشویشناک ہے ،ایں سانگے سرکاری یونیورسٹیاں کوں عالمی معیار دے مطابق پرائیویٹ یونیورسٹیاں دا ہم پلہ بنڑاونڑ سانگے اقدامات کرنڑے ہوسن جڈاں جو موسمیاتی تبدیلیاں ،سکڑ دے زرعی رقبے ،گھٹ آبی وسائل پاروں غذائی ضرورتاں کوں پورا کرنڑ چیلنج ہے ،کپاہ دی پیداوار اچ ودھارے سانگے بج دی فراہمی یقینی بنڑاونڑیں ہوسی ۔خمیس دے ڈینھ جامعہ زرعیہ فیصل آباد دی سینٹ دے 43ویں اجلاس توں خطاب دے دوران انہاں آکھیا جو وڈی جامعات اچ پی ایچ ڈی پروفیسرز سمیت اعلیٰ تعلیم یافتہ استاداں دی گھٹدی ہوئی تعداد ہک وڈا چیلنج ہے جیں نال نبڑنڑ سانگے وختی کوششاں کرنڑیاں ہوسن ۔انہاں آکھیا جو صوبے اچ ودھدی ہوئی نویں پرائیویٹ بغیر سرکاری جامعات دی پر کشش مراعات تے وفاقی دار الحکومت اسلام آباد اچ ترائے درجن توں ودھ ملکی تے غیر ملکی یونیورسٹی دے قیام نال اکثر طالب علم تے استاد چنگے پیکیج دی وجہ تاں اتھاں ونجنڑ کوں ترجیح ڈیندے پن ۔انہاں آکھیا جو حکومت استاداں دی گھٹکی کوں پورا کرنڑ سانگے اپنڑاں کردا ر ادا کریسی ۔ایں موقع چانسلر یونیورسٹی اکجھ مسلیں دی نشاندہی وی کیتی جیں تے گورنر پنجاب اپنڑے پورے تعاون دا یقین ڈوایا
گورنر پنجاب ملک محمد رفیق رجوانہ دا جامعہ زرعیہ فیصل آباد دی سینٹ دے اجلاس توں خطاب
مضمون کا ماخذ : گونزو کی تلاش
متعلقہ مضامین
.jpg)
.jpg)
