اقوام متحدہ ۔ 8 اکتوبر (اے پی پی) اقوام متحدہ اچ پاکستان دی مستقبل مندوب ڈاکٹر ملیحہ لودھی آکھے جو جڈاں تئیں سلامتی کونسل دیاں قرارداداں دے مطابق کشمیر دے حق خودارادیت دے تحت مسئلہ کشمیر کوں حل نہیں کیتا ویندا اوںویلھے تئیں برصغیر دی ونڈ دا ایجنڈا ادھورا راہسی ۔ اے گالھ انہاں جنرل اسمبلی اچ نوآبادیت کوںمکاونڑدے مسلیاں بارے مذاکرے نال خطاب کریندے ہوئیں آکھی۔ ڈاکٹر ملیحہ لودھی آکھیا جو کشمیریاں دیاں نسلاں کھوکھلے وعدیاں اتے بے رحم جارحیت دا سامنڑاں کریندی پئی ہے ۔ ڈاکٹر ملیحہ لودھی یاد ڈیوایا جو گزریل چھی ڈھاکیاں توں سلامتی کونسل ولوں کشمیر اچ استصواب رائے دا وعدہ پورا کائنی تھی سگیا، اتے ہنڑ تئیں کشمیری آپنڑیں بنیادی حق حق خودارادیت توںمحروم ہن ۔ انہاں آکھیا جو اج ولا کشمیری عوام کٹھی تھی تے بھارتی جارحیت اتے ظلم وستم دے خلاف اُٹھ کھڑے تھئی ہے ۔ کشمیریاں دی موجودہ جائز اتے مقامی جدوجہد ایں سانگے شروع تھئی کیونجو انہاں کوں اِنہاں دے حقوق توں محروم کیتا ویندا پئے ۔ پاکستانی مندوب آکھیا جو گزریل ڈھئی مہنیاں توں بھارتی فوج مقبوضہ کشمیر اچ کشمیری عوام دے خلاف طاقت دا بے رحمانہ استعمال کریندے پئے ہن۔ برہان وانی دی شہادت دے بعد کشمیری عوام دی تحریک کو ںکچلنڑ سانگے بھارت گولیاں خاص طور تے چھرے دار بندوقاں دا استعمال کریندی پئی ہے جیندے اچ ہنڑ تئیں ہک سو توں ودھ کشمیری شہید اتے سینکڑے ساری عمر کیتے دید توں محروم تھی گئے ہن ۔ اتے ریاستی دہشتگردی دی بد ترین مثال اتے جنگی جرم ہے۔ انہاں آکھیا جو کشمیر کڈاہئیں وی بھارت دا اٹوٹ انگ ریہے نہ راہسی ۔ کشمیرہک متنازعہ علاقہ ہے اتے ایندی حتمی حیثیت دا تعین اقوام متحدہ دیاں قرارداداں دے مطابق کشمیری عوام دیاں خواہشات اتے مرضی دے مطابق کیتا ونجے ۔
اقوام متحدہ اچ پاکستان دی مستقل مندوب ڈاکٹر ملیحہ لودھی دا جنرل اسمبلی اچ مذاکرے نال خطاب
مضمون کا ماخذ : پاور بال انعامات
متعلقہ مضامین
.jpg)
.jpg)
