لاہور۔5 ستمبر(اے پی پی )سندھ دے وزیراعلی سید مراد علی شاہ سوموار کوں اتھاں لاہوراچ گورنرپنجاب ملک محمد رفیق رجوانہ نال ملاقات کیتی۔ملک اچ اجوکی سیاسی صورت حال،معاشی اتے اہم قومی معاملیاں تے گالھ مہاڑ کیتی گئی ۔ وزیر اعلیٰ دے مشیر سکندرشورو ، قادر جیلانی اتے صوبائی وزیر مہمان داری رانا مشہودوی ایں موقع تے موجود ہن ۔گورنر پنجاب آکھیا جو قومی نوعیت دے معاملے چوکاں تے حل نی تھیندے ایں سانگے قانونی طریقہ کار اتے آئینی ادارے موجود ہن۔انہاں آکھیا جو احتجاج دی سیاست کہیں طرح وی ملک دے فائدے اچ کائنی ،سارے سیاسی جماعتاں کوں اگوں ودھنڑ سانگے تعمیری اتے مثبت سوچ دا مظاہرہ کرنڑ اں چاہیدا اے۔گورنر آکھیا جو سارے مسئلے دا حل مسلسل آپسی مشورے نال ای ممکن بنڑایا ونج سگدے،ہک ڈوجھے دے مسئلیاں کوں سمجھنڑ اتے اونکوں حل کرنڑ سانگے ایجھی ملاقاتاں موثر ہوندین اتے انہاں دا سلسلہ جاری رہونڑاں چاہیدا اے۔انہاں آکھیا جو صوبے دی عوام تساڈے منتظر ہن اتے دل دی گہرائیاں نال تساکوں خوش آمدید آکھدے ہیسے۔گورنر پنجاب آکھیا جو انہاں دا اجوکا دورہ کراچی آپسی محبت،میل جول کوں ودھاونڑ اتے ہک ڈوجھے دے مسئلیاں نال آگہی دی ہک کڑی ہئی ۔ایں موقع تے سندھ دے وزیر اعلیٰ سید مراد علی شاہ آکھیا جو پنجاب ،ملک دے چھوٹے صوبیاں دی ترقی سانگے یکا وڈے بھرا دا کردار نبھائے ۔انہاں آکھیا جو ملکا چ تجارتی تے معاشی سرگرمیاں اچ ودھارے سانگے کراچی اچ امن ضروری اے اتے سندھ حکومت دا ایں بارے مئوقف واضح اے۔
وزیراعلی سندھ سید مراد علی شاہ دی گورنرپنجاب ملک محمد رفیق رجوانہ نال ملاقات،
مضمون کا ماخذ : como jogar lotofácil
متعلقہ مضامین
.jpg)
.jpg)
