اسلام آباد ۔ 24 اگست (اے پی پی) الیکشن کمیشن قومی اسمبلی دے حلقہ این اے 63 اچ ضمنی الیکشن سانگے ضابطہ اخلاق جاری کر ڈتا ہے۔ الیکشن کمیشن دے ذرائع دے مطابق این اے 63 اچ آزادانہ انتخابات کوں یقینی بناونڑ سانگے الیکشن کمیشن سارے وفاقی تے صوبائی انتظامی حکام کوں ہدایت کیتی ہے جو کہیں مخصوص امیدوار یا سیاسی جماعت دے حق اچ الیکشن دے اثرانداز تھیونڑ سانگے سرکاری وسائل استعمال نی تھیونڑے چاہیدے ۔ضابطہ اخلاق دے مطابق وزیراعظم، وزیراعلیٰ، وفاقی وزیراں، وزیر مملکت، وزیراعظم اتے صدر دے مشیر، صوبائی وزیراں تے وزیراعلیٰ دے مشیر تے قومی تے صوبائی اسمبلیاں دے رکناں ولوں کوئی وی بندہ انتخاب دا شیڈول جاری تھیونڑ دے بعد تے پولنگ پوری تھیونڑ تئیں ایں حلقے دا دارہ کائناں کریسن ،اگر کہیں اہلکار اپنڑے عہدے دا کہیں وی طرح غلط استعمال کیتا تاں ایندے خلاف قنون دے مطابق کاروائی کیتی ویسی ۔انتخابی شیڈول دے اعلان دے بعد الیکشن کمیشن دی پیشگی منظوری دے بغیر کہیں وی تقرری تے تبادلہ نہ تھیسی ۔
الیکشن کمیشن این اے 63 اچ ضمنی الیکشن سانگے ضابطہ اخلاق جاری کر ڈتا
مضمون کا ماخذ : لاٹری جیتنے کی گائیڈ
متعلقہ مضامین
.jpg)
.jpg)
