اسلام آباد۔14جولائی (اے پی پی):وزیراعظم دے مشیر پارلیمانی امور ڈاکٹر بابراعوان آکھیے جوپاک چین اقتصادی راہداری جیہے منصوبے توں نہ اساݙی توجہ ??ٹی اے نہ ہٹسی ، کہیں کوں ایں بارے کوئی غلط فہمی نی ہووݨی چاہیدی ، حکومت، ایوان اتے پوری پاکستانی قوم بزدلانہ حملے دی مذمت کریندی اے ۔ بدھ کوں قومی اسمبلی اچ مسلم لیگ (ن) دے احسن اقبال دے اعتراض دے نکتے تے ولدا ݙیندے ہوئیں ڈاکٹر بابر اعوان آکھیے جو اڄ سویلے جیڑھا بزدلانہ حملہ تھئے اے ایوان، حکومت تے پورا پاکستان ایندی شدید مذمت کریندے ۔ پاک چین اقتصادی راہداری جیہے منصوبے توں نہ تاں اساݙی توجہ ??ٹی اے نہ ہٹسی ، کہیں کوں وی ایں بارے کوئی غلط فہمی نی ہووݨی چاہیدی ۔ ڈاکٹر بابر اعوان آکھیے جو او وزیر داخلہ نال ڳال کریسن او ایں بارے اتے ملک دی مجموعی سلامتی دی صورتحال بارے ایوان کوں اعتماد اچ گھنسن ، جتھاں تئیں پروٹوکول دے خاتمے متعلق امور دا تعلق اے تاں ایں کیتے خطرے دے تجزیہ دے قوانین موجود ہن۔ ایں تے نظرثانی وی کیتی ونڄ سڳدی اے ۔ وزیراعظم کابینہ اچ وی ایں حوالے نال واضح طور تے ڳال کیتی اے جنہاں لوکاں کوں خطرہ اے انہاں بارے متعلقہ ضابطیں تے عمل کیتا ونڄے ، انہاں آکھیے جو ایجھے لوک وی موجود ہن جنہاں ݙے ودھ ساری سکیورٹی اے، انہاں اچ سابق سرکاری ملازم وی شامل ہن جنہاں کنے بلٹ پروف گاݙیاں ہوندن ۔ کجھ سرکاری ملازمین ایجھے ہوندن جنہاں کنے سابق صدور اتے سابق ججاں توں ودھ سکیورٹی ہوندی اے اے ھک شوشہ اے، اینکوں پروٹوکول تاں آکھیا ونڄ سڳدے لیکن سیکورٹی ن?? آکھیا ونڄ سڳدا ۔ وزیراعظم ایجھے لوکاں توں سکیورٹی واپس گھنݨ دی ہدایت کیتی اے ۔
پاک چین اقتصادی راہداری جیہے منصوبے توں نہ اساݙی توجہ ہٹی اے نہ ہٹسی ، مشیر پارلیمانی امور ڈاکٹر بابراعوان
مضمون کا ماخذ : لاٹری کا حساب
متعلقہ مضامین
.jpg)
