اسلام آباد 01 جنوري (اے پي پي) خارجه وزير مخدوم شاه محمود قريشي وئيلي دي د دسمبر 31مه نېټه راغله او لاړه خو د استعفٰګانې رانغلې، وزيراعظم عمران خان به د اپوزيشن په وېنا كله هم استعفٰي ورنه كړي، په كرك كښې مندر ته د زيان رسولو د پېښې سخته غندنه كوو، كومو كسانو چې دا حركت كړے، دوي د پاكستان نړيوال تشخص ته زيان رسولے. د جمعې په ورځ د پارلمان په ودانې كښې مېډيا سره په خبرو كښې ده ووئيل نن په رائيونډ لاهور كښې د پي ډي اېم مشران راجمع كېږي، فكر كوم چې نن د پي ډي اېم غونډه د پاكستان پيپلز پارټۍ د سي اي سي د تېرې غونډې توثيق دے. پيپلز پارټۍ پرېكړه كړې چې استعفٰګانې به نه وركوو او د سېنېټ څخه به لا تعلق نه پاتې كېږو. ده ووئيل پيپلز پارټي د سندھ حكومت قرباني وركول نه غواړي، ګورو به چې آيا مسلم ليګ ن هم د پيپلز پارټۍ په دې پرېكړو اماده دے يا نه. ده ووئيل د پي ډي اېم مشرتابه پرېكړه كړې وه چې د دسمبر تر 31مه نېټه به ټولې استعفٰګانې د پي ډي اېم صدر مولانا فضل الرحمان سره جمع كولې شي. ده ووئيل پيپلز پارټۍ دې سره اختلاف وكړو او استعفٰګانې ئې د خپل خپل ګوند مشرانو ته د جمع كولو خبره وكړه. ده ووئيل د دسمبر 31مه نېټه راغله او لاړه خو استعفٰګانې رانغلې، په لانګ مارچ هم اتفاق نه لري او د پيپلز پارټۍ مشرتابه لانګ مارچ د نواز شريف وطن ته راستنېدو سره مشروط كړے. ده ووئيل وزيراعظم عمران خان د اولس مېنډېټ لري، هغه به د دوي په وېنا كله هم استعفٰي ورنه كړي. ده ووئيل د دسمبر 27مه نېټه د تاريخ افسوس ناكه ورځ ده ځكه چې په دې ورځ د بېنظير بهټو شهادت شوے ؤ، مونږ په دې غم كښې شريك يو. ده ووئيل اېن آر او د احتساب نه د بچ كېدو لار ده. د فېټف قانون سازې لپاره چې كله اپوزيشن سره مشوره وكړې شوه نو دوي 34 نكاتي نېب ترميمي مسوده وړاندې كړه. ده ووئيل مونږ د احتساب او انتقام په فرق پوهه يو، مونږ د انتقام قائل نه يو خو بايد احتساب مخ په وړاندې لاړ شي. ده ووئيل په جمعيت علماﺀ اسلام كښې دننه د مولانا د بيانيې په نتيجه كښې اختلافات څرګند شوي. د اسرائيل تسليمولو سياسي خبره وكړې شوه چې دغسې د اولس جذبات راوپارولے شي خو دوي ناكامې سره مخ شول. ده ووئيل د كشمير او فلسطين مسئلې سره قام جذباتي تړون لري. د كشمير او فلسطين په مسئله د پاكستان دريځ واضح دے.
د دسمبر 31مه نېټه راغله او لاړه خو استعفٰګانې رانغلې، وزيراعظم عمران خان به د اپوزيشن په وېنا كله هم استعفٰې ورنه كړي. د خارجه وزير مخدوم شاه محمود قريشي د پارلمان په ودانې كښې مېډيا سره خبرې
مضمون کا ماخذ : نتیجہ ڈوپلا سینا
متعلقہ مضامین
