اسلام آباد۔4نومبر (اے پی پی) وزیراعظم محمد شہباز شریف آکھیا جو شرح سود اچ ڳھٹکی نال ملک اچ کاروباری سرگرمیاں، برآمدات اتے روزگار دے موقع ودھسن، حکومت پاکستان اچ سرمایہ کاری دی سہولت اتے ٻاہرلی سرمایہ کاری ودھاوݨ کیتے ترجیحی بنیاداں تے کم کریندی پئی اے۔ ای??ھے لوک جیڑھے ٹیکس ݙیوݨ دے اہل ہووݨ دے باوجود ٹیکس چوری کریندن اتے افسر جیڑھے اوں چوری اچ تعاون کریندن انہاں دے خلاف گھیرا تنگ کیتا ویسی۔ سنوار وکں وزیراعظم آفس دے پر??س ونگ توں جاری بیان موجب وزیراعظم محمد شہباز شریف دی صدارت مسلم لیگ (ن ) دی پارلیمانی پارٹی دا اجلاس تھیا۔ وزیراعظم محمد شہباز شریف آکھیا جو اللہ دے فضل و کرم اتے تساں ساریاں دی کوششاں نال پاکستان دی معیشت مستحکم تھیندی پئی اے۔ سٹیٹ بینک وی شرح سود اچ 250 پوائنٹس دی ڳھٹکی کیتی اے۔ وزیرِاعظم آکھیا جو مہنگائی دی شرح 38 فیصد توں ڳھٹ تے ست فیصد تے آڳئی اے۔ قومی و بین الاقوامی ادارے ملکی معیشت دے استحکام دی گواہی ݙیندے پئن۔ انہاں آکھیا جو ملک اچ انتشار کھنݙاوݨ اتے ملک کوں دیوالیہ تھیوݨ دے دہانے تے پجاوݨ آلیاں دے ناپاک منصوبے ناکام تھین۔ ملک دی بقاء کیتے آپݨی سیاست دی قربانی ݙیوݨ آلیاں کوں تاریخ چنڳے لفظاں اچ یاد رکھیسی۔ مئورخ جݙاں تاریخ لکھسی تاں واضح طور ملک دے خیر خواہاں اتے آئی ایم ایف کوں قرضے ݙیوݨ توں روکݨ کیتے خط لکھݨ آلیاں بارے لکھسی۔ اڄوکے دورہ سعودی عرب اچ پاکستان سعودی سرمایہ کاری شراکت داری اچ نویں باب دا اضافہ تھیے۔ انہاں آکھیا جو فیوچر انویسٹمنٹ انیشیٹو اچ سعودی قیادت بالخصوص ولی عہد محمد بن سلمان نال تفصیلی ڳالھ مہاڑ تھئی اے۔ سعودی عرب پاکستان دا پراݨا دوست اتے سان??ھے دار اے۔ انہاں آکھیا جو سعودی عرب دی پاکستان اچ اڄوکی سرمایہ کاری دا حجم 2.2 ارب ڈالر توں ودھ تے 2.8 ارب دالر تھی ویسی۔ آپݨے دورہ قطر اچ قطری قیادت وی پاکستان اچ سرمایہ کاری ودھاوݨ دا یقین ݙوائے۔ پاکستان اچ قطری سرمایہ کاری دے 3 ارب ڈالر کوں منصوبیاں دی شکل ݙیوݨ دی ڳالھ تھئی اے۔ قطر پاکستان دے ہوابازی، ہوٹل??گ، انفارمیشن ٹیکنالوجی اتے توانائی سودھے مختلف شعبیاں اچ سرمایہ کاری کریسی۔ حکومت پاکستان اچ سرمایہ کاری دی سہولت اتے ٻاہرلی سرمایہ کاری اچ ودھارے کیتے ترجیحی بنیاداں تے کم کریندی پئی اے۔ وزیراعظم آکھیا جو پاکستان دے ہر شعبے اچ اصلاحات دا ایجنڈا نافذ کریندے پئیوں۔ ایف بی آر کوں ہدایت کیتی اے جو ای??ھے لوک جیڑھے ٹیکس ݙیندن او پاکستان دے سفیر ہن۔ انہاں دی عزت کیتی ونڄے۔ ۔ ای??ھے لوک جیڑھے ٹیکس ݙیوݨ دے اہل ہووݨ دے باوجود ٹیکس چوری کریندن اتے افسر جیڑھے اوں چوری اچ تعاون کریندن انہاں دے خلاف گھیرا تنگ کیتا ویسی۔اجلاس اچ پارلیمانی پارٹی کوں قومی اسمبلی اچ مجوزہ قانون سازی دے بل بارے اعتماد اچ ڳھدا ڳئیا۔
وزیراعظم دی صدارت مسلم لیگ (ن ) دی پارلیمانی پارٹی دا اجلاس، شرح سود اچ ڳھٹکی نال ملک اچ کاروباری سرگرمیاں، برآمدات اتے روزگار دے موقع ودھسن۔ شہباز شریف
مضمون کا ماخذ : ایڈونچر کی کتاب
متعلقہ مضامین
