اسلام آباد۔17ستمبر(اے پی پی)وزیر اعظم محمد شہباز شریف پوری امت مسلمہ خاص کر پاکستانی عوام کوں عید میلادالنبی دی مبارک ݙیندے آکھیے جو امت مسلمہ اتے پاکستان دے چیلنجاں دا حل نبی اکرم صلی اللہ علیہ وسلم دی تعلیمات نال جڑیا ہوئے، ساکوں اپݨے ڄھیڑے مکا تے ملک و قوم دی ترقی کیتے ہک مٹھ تھیوݨا ہوسی۔ اے ڳالھ انہاں اڄ منگل کوں 12 ربیع الاول تے اپݨے سنیہے اچ ??کھی۔ انہاں آکھیا جو پوری امت مسلمہ خآ?? کر پاکستانی عوام کوں نبی آخرالزماں حضرت محمد صلی اللہ علیہ وسلم دی ڄمݨ ݙینھ سانڳے عید میلاد النبی ٻہوں مبارک ہووے، اے او ݙینھ اے ڄݙاں اللہ تعالی روز محشر تئیں بنی نوع انسان دی رہنمائی کیتے پوری انسانیت کوں ہک کامل ہدایت ??ا نور ݙتے، حضرت محمد صلی اللہ علیہ وسلم دی مبارک زندگ??، انہاں دی سیرت طیبہ اتے کردار ساݙے کیتے او رہنمائی اے جیندا سوڄھلا رہندے ڄڳ تئیں ہر انسان دی زندگی کیتے ہدایت ??ا ذریعہ رہس??، انہاں دا ہر عمل اتے فرمان ݙسیندے جو انسانیت کوں کیویں محبت، رواداری اتے انصاف دے اصولاں تے رہ تے ترقی دی راہ تے سٹیا ونڄ سڳدے۔ وزیراعظم آکھیا جو اڄ دے اوکھے دور اچ ??اکوں نبی کریم صلی اللہ علیہ وسلم دی سیرت کوں نہ صرف پڑھݨ ٻھل ایندے تے عمل کرݨ دی لوڑھ اے، امت مسلمہ اتے پاکستان اڄ ڄیڑھے چیلنجز دا سامݨا کریندے پن، انہاں دا حل نبی اکرم صلی اللہ علیہ وسلم دی تعلیمات اچ موجود اے، انہاں ساکوں اتحاد، محبت اتے ٻھرا ٻھرپی دی تلقین کیتی اتے اے اوہے اصول ہین جیڑھے معاشرتی اتے اقتصادی مسائل توں کݙھ سڳدن، آئو اساں اڄ اے عہد کروں جو اساں اپݨے اختلافات پچھو سٹ تے اپݨے ملک و قوم دی ترقی کیتے ہک مٹھ تھی تے کم کریسوں۔ وزیراعظم آکھیا جو نبی اکرم صلی اللہ علیہ وسلم ہمیشہ کمزوراں، یتیماں اتے ضرورت منداں دی مدد سکھائی، ساکوں انہاں دو توجہ فیوݨی چاہیدی اے ڄیڑھے ٻکھ، غربت اتے اوکھ وات ہین، ساݙی ذمہ داری اے جو اساں نبی پاک صلی اللہ علیہ وسلم دے ایں عمل کوں اپناون جیندے اچ ??و ہر حال اچ ٻنھاں دی مدد اتے فلاح کیتے ردھیے راہندن، ساکوں اپݨے مظلوم فلسطینی و کشمیری بھراواں اتے ٻھیݨیں کوں وی یاد رکھݨا چاہیدے ڄیڑھا ظلم و جبر دا سامݨا کریندے پن، غزہ اتے فلسطین اچ معصوم لوکاں تے تھیوݨ آلے مظالم اتے کشمیر اچ ??اری انسانی حقوق دی پامالی دل ہلا ݙیوݨ آلے واقعات ہین، نبی اکرم صلی اللہ علیہ وسلم ہمیشہ انصاف، آزادی و حقوق انسانی دے تحفظ دی تعلیم ݙتی اتے اڄ ساکوں انہاں مظلوماں نال یکجہتی کریندے انہاں دے حق اچ ??پݨی آواز چاوݨی چاہیدی اے، دعاگو ہیں جو اللہ تعالیٰ اہل فلسطین اتے اہل کشمیر کوں آزادی اتے انصاف ݙیوے اتے انہاں دا اوکھ دور کرے، سافا فرض اے جو اساں انہاں مظلوماں دے حق اچ ہر فورم تے آواز چائوں اتے عالمی برادری کوں انہاں دی حمایت ??ے راضی کرن، اڄ اساں اے عہد کروں جو نبی اکرم صلی اللہ علیہ وسلم دی تعلیمات کوں اپݨے ڄیون دا حصہ ٻݨایسوں، ایں سانڳے معاشرے کوں ہک بہتر، مساوی اتے پرامن ڄاہ ٻݨیسوں، دعا اے جو اللہ تعالی پاکستان کوں امن، ترقی و خوشحالی دا تھمبا ٻݨاوے اتے اساں ساریاں کوں نبی کریم صلی اللہ علیہ وسلم دی سیرت تے عمل کرݨ دی توفیق ݙیوے۔
امت مسلمہ اتے پاکستان دے چیلنجاں دا حل نبی اکرم صلی اللہ علیہ وسلم دی تعلیمات نال جڑیا ہوئے، وزیر اعظم شہبازشریف
مضمون کا ماخذ : estatisticas dupla sena
متعلقہ مضامین
