اسلام آباد۔ 30 اگست (اے پی پی) وزیر اعظم عمران خان یوم عاشور10 محرم الحرام 1442ھ دے موقع تے قو?? دے ناں آپنڑے پیغام اچ آکھیے جو اج پوری دنیا دے مسلمان جگرگوشہ بتول، نواسہ خَاتم اَلنّبِیین صلی اللہ علیہ و علی آ لہ و اصحٰبہ و سلم، امامِ عالی ??قام حضرتِ امام حسین رضی اللہ تعالیٰ عنہ دی شہادتِ عظمیٰ دی بے مثال و لازوال قربانی دی یاد کوں تازہ کریندے پئن ۔ اگرچہ یومِ عاشور مختلف اعتبار توں وڈی اہمیت رکھیندے تاں جو تاریخ اسلام اچ ایں ڈینھ کوں ہک انجھ رفعت و بلندی اتے خاص اہمیت و انفرادیت امام عالی ??قام دی شہادت اتے واقعہ کربلا دی بدولت حاصل تھئی اے ۔ انہاں آکھیے جو کربلا دا اے عظیم معرکہ حق و باطل اساکوں اے گال یاد ڈویندے جو اسلام دی اعلیٰ اقدار دے ودھارے تے احیا کیتے کہیں وی قربانی توں پچھوں نہ ہٹنڑ ہی عزیمت تے کامیابی اے ۔ وزیراعظم آکھیے جو جذبہ شبیری مسلماناں دے ایمان و یقین، سچائی اتے اصول پسندی دی روایات کوں جلا بخشے ۔ اے اسلام دے ابدی پیغام اتے جذبہ قربانی دی لازوال اتے روح پرور روایت دی آبیاری دا سرچشمہ وی اے جیں دی نظیر تاریخ انسانی اچ اوکھیں ملدی اے ۔ وزیر اعظم عمران خان آکھیے جو میڈے نیڑے اسوہ حسین دا اے پیغام ہر قلِب سلیم کیتے ہے جو او راہ حق اچ آونڑ آلی ہر پریشانی کوں قبول کریندے ہوئیں آپنڑی جان ڈے ڈتی،ایں جذبہ نال سرشاری دے بعد اساں وطن عزیز تے اقوام عالم اچ کوئی قابل ذکر کردار ادا کرسگدوں ۔اساکوں بھارتی غیر قانونی مقبوضہ جموںو کشمیر اچ بھارتی سامراج توں برسرپیکار عوام دیاں قربانیاں کوں وی خراجِ تحسین پیش کرنڑاں چاہیدے جنہاں حق تے قائم رہندے ہوئیں سنتِ امام حسین کوں زندہ رکھیا تے کربلا وانگوں کشمیر کوں وی معرکہ حق و باطل دی ہک مثال بنڑا ڈتے۔ وزیر اعظم آکھیے جو گزریل کجھ عرصے توں ??ور??نا وائرس دی وبا پوری دنیا کوں آپ دی وکیڑ اچ گھدے جیں اچ ارض پاک وی شامل ہئی لیکن اللہ پاک دی مدد، حکومت دے وختی اقدامات اتے قو?? دے بھرپور تعاون نال ایں وبا دے کھنڈ تے کافی حد تئیں قابو پا گھدا گئے ،جیں تے پوری پاکستانی قو?? کوں اللہ تعالیٰ دا شکر گزار ہوونڑاں چاہیدے ۔ یوم عاشور دے ڈینھ قو?? توں اپیل کریندے ہوئیں وزیر اعظم عمران خان امید ظاہر کیتی جو تساں محرم الحرام دی تقاریب اچ وی حکومت پاکستان ولوں جاری کیتی گئی احتیاطی تدابیر تے ضرور عمل کریسو۔
کربلا دا معرکہ اساکوں اے گال یاد ڈویندے جو اسلام دی اعلیٰ اقدار دے ودھارے و احیا کیتے کہیں وی قربانی توں پرے نہ ہٹنڑ ہی عزیمت اتے کامیابی اے، وزیر اعظم عمران خان دا یوم عاشور دے موقع تے سنھیا
مضمون کا ماخذ : بونانزا
متعلقہ مضامین
