اسلام آباد۔29جون (اے پی پی):وزیر خارجہ مخدوم شاہ محمود قریشی آکھ??ے جو افغانستان اچ کجھ عناصر سپائیلرز دا کردار ادا کریندے پئن،جیڑھے پاکستان اچ عدم استحکام چاہندن ،تحقیقاتی اداریں لاہور دھماکے اچ ملک دشمن ایجنسیاں دی معاونت دے پاسے اشارہ کیتے ۔منگل ??وں لاہور دھماکے دی تفتیش اچ سامݨے آوݨ آلی پیشرفت دے حوالے نال ھک بیان اچ وزیرخارجہ انٹیلی جنس اداریں تے پنجاب کاؤنٹر ٹیررازم ڈیپارٹمنٹ اتے پولیس کوں مبارخ ݙیندے ہوئیں آکھ??ے جو انہاں سائنٹفک انداز اچ تفتیش کوں اڳوں ودھدیندے ہوئیں ، نہ صرف معاملے دی تہہ تئیں پڄ ڳئن بلکہ ذمہ واراں دیاں گرفتاریاں عمل اچ گھن آئن ،اساݙے اداریں گھٹ ویلھے اچ انہاں عناصر کوں پوری طرح نشابر کیتے جیڑھے جو پاکستان کوں عدم استحکام توں ݙوچار کرݨ چاہندن ۔ شاہ محمود قریشی آکھ??ے جو تحقیقاتی اداریں ایں دھماکے دے پچھوں ملک دشمن ایجنسیاں دی معاونت دے پاسے اشارہ کیتے ۔ شاہ محمود قریشی آکھ??ے جو ٹیرر فنانسنگ دی تحقیقات کرݨ آلے اداریں کوں وی ایندی جامع تحقیقات کرݨی چاہیدی اے انہاں عوامل کوں بے نقاب کرݨا چاہیدے جیڑھے ایں طرح دیاں کاروائیاں کیتے مالی وسائل ݙیندے پئن۔وزیر خارجہ آکھ??ے جو افغانستان اچ وی کڄھ عناصر اسپائیلرز دا کردار ادا کریندے پئن ،جیڑھے پاکستان اچ عدم استحکام چاہندن ۔انہاں آکھ??ے جو اساں ودھ ساریاں قربانیاں ݙتن اتے اساں آپݨاں پاسہ وی سدھا کرڳھدے ۔شاہ محمود قریشی آکھ??ے جو اپوزیشن دا کافی عرصے توں مطالبہ ہئی جو انہاں کوں قومی سلامتی دے امور تے اعتماد اچ ڳھدا ونڄے ۔حکومت بجٹ دے بعد، یکم جولائی ک??ں تریجھے پہر 3 وڄے قومی سلامتی دے حوالے نال اہم اجلاس سݙݨ دا فیصلہ کیتے ایں اجالس اچ پارلیمانی کمیٹی قومی سلامتی کوں سݙیا ڳئے ایندے علاوہ ساریاں پارلیمانی جماعتاں توں 16/17 پارلیمنٹیرینز کوں سݙیا ویندا پئے ۔ اجلاس سݙݨ دا مقصد، معزز ممبران کوں افغانستان اتے خطے اچ امن و امان دی صورتحال دے حوالے نال مفصل بریفنگ ݙی??ں تے انہاں کوں حقائق بارے ݙساوݨ اے وزیر خارجہ واضح کیتے جو پاکستان او کرݨا ??ے جیڑھا ایندے مفاد اچ ھے ۔
تحقیقاتی اداریں لاہوردھماکے دے پچھوں ملک دشمن ایجنسیاں دی معاونت دے پاسے اشارہ کیتے ،وزیر خارجہ
مضمون کا ماخذ : عمومی کلیدی الفاظ
متعلقہ مضامین
