اسلام آباد۔1جنوری(اے پی پی)وزیراعظم محمد شہباز شریف آکھیے جو ملک کوں مستحکم، مضبوط اتے خوشحال ٻݨاوݨ کیتے قومی اقتصادی ترقی دا منصوبہ ’’اڑان پاکستان‘‘ برآمدات تے مبنی معیشت کوں ودھیندے ہوئے قومی ترقی اچ اہم سنگ میل ثابت تھیسی، آندے 6 مہینے اچ اقتصادی اہداف حاصل پورے کر ڳھنسوں۔ اے ??الھ انہاں اسلام آباد اچ تھیوݨ آلے وفاقی کابینہ دے اجلاس نال خ??اب اچ آکھین۔ وزیراعظم نویں سال تے دعا کیتی جو اللہ کرے اے سال پاکستان اتے ایندے عوام کیتے خوشیاں، خوشحالی اتے ترقی ڳھن آوے، دعا اے جو پاکستان ڄڳ اچ معاشی طور تے ہک مضبوط ملک ٻݨ تے اٻھرے۔ انہاں آکھیا جو ” اڑان پاکستان” پاکستان دی معاشی ترقی کیتے ہک اہم پروگرام اے?? ڄیکر اساں ثابت قدمی اتے محنت نال اہداف پورے کیتے تاں اے منصوبہ قومی ترقی کیتے اہم ثابت تھیسی، ایں سانڳے نائب وزیراعظم سینیٹر اسحاق ڈار، وفاقی وزیر منصوبہ بندی احسن اقبال، وفاقی وزیر خزانہ محمد اورنگزیب سودھا پوری کابینہ اتے متعلقہ حکام دیاں کوششاں بہترین رہین، معاشی ترقی برآمدات ودھاوݨ نال ہی تھی سڳدی اے، شرح نمو اچ استحکام آ چکیے، ہݨ اساں اڳو تے ودھݨے، معاشی ٹیم دی کوشش نال قومی خزانے اچ 72 ارب روپے دے محصولات وصول تھئین، دسمبر دے محصولات دا ہدف 97 فیصد پورا کر ڳھدے۔ وزیر اعظم آکھیا جو کراچی بندرگاہ تے فیس لیس آپریشن شروع کر ݙتے جیندے کیتے بل گیٹس فاؤنڈیشن دی معاونت نال 6 ارب ڈالر دی فنڈنگ ملی اے اتے ایف بی آر دی ڈیجیٹائزیشن کیتی ویندی پئی اے، منصوبے تے عمل تھی چکیے?? ابتدائی نتائج موجب کنٹینرز دی انسپیکشن دے ویلھے اچ 39 فیصد کمی آئی اے اتے کاروباری حضرات کوں 89 فیصد ریلیف ملیے۔ کھنݙ دی افغانستان کوں سمگلنگ زیرو فیصد اے جیندے نال اساں کھنݙ برآمد کرݨ دے قابل تھئے ہیں، تیل دی سمگلنگ اچ وی کمی آئی اے، اڄوکے مالی سال اچ جولائی دے بعد 5 مہینے اچ ترسیلات زر وصولیاں تقریباً 15 ارب ڈالر رہین، سال مکݨ تے ترسیلات زر 35 ارب ڈالر تئیں پج ویسن، مختلف وزارتاں دی رائٹ سائزنگ، ای گورننس سودھا ٻئے اقدامات کریندے پئے ہیں۔ انہاں آکھیا جو پچھلے مہینے احتجاج اتے دھرنیاں دے باوجود اساں کامیابیاں ڳھدن، قومی معیشت اچ میکرو استحکام سانڳے کامیابی تھئی اے، معاشی استحکام اچ دوست ممالک، آئی ایم ایف اتے ٻئے عالمی شراکت دار وی شامل ہین، ساݙی کارکردگی دی گواہی عام آدمی، عالمی ادارے وی ݙیندن، کتھائیں کوئی سکینڈل سامݨے نئیں آیا۔ انہاں آکھیا جو ہݨ قومی معیشت دی ترقی دو ودھݨا ہسوی جیندے کیتے اپݨے اہداف دا حصول یقینی ٻݨاوݨا ہوسی، پالیسیز تے عملدرآمد کرݨا ہوسی۔ وزیراعظم آکھیا جو اقتصادی شرح نمو کیتے برآمدات تے توجہ ݙتی ویسی، گوادر اچ ٻݨݨ آلے ایئرپورٹ کوں عالمی تجارت دا مرکز ٻݨیسوں۔ دہشتگردی دے خلاف جنگ اچ وزیراعظم مسلح افواج اتے قانون نافذ کرݨ آلے اداریاں کوں قربانیاں اتے بے مچال قربانیاں تے خراج تحسین پیش کیتے۔ انہاں آکھیا جو مسائل تے قابو پاوݨ کیتے جامع اقدامات تھیندے پن، آندہ سال ملک کیتے خیروبرکت ڳھن آسی۔
”اڑان پاکستان” پروگرام معیشت، برآمدات اتے قومی ترقی کیتے اہم ثابت تھیسی، 6 مہینے اچ اقتصادی اہداف پورے کر ڳھنسوں، وزیراعظم دا کابینہ اجلاس نال خطاب
مضمون کا ماخذ : estatisticas dupla sena
متعلقہ مضامین
