اسلام آباد۔8نومبر(اے پی پی) ایسوسی ایٹڈ پریس آف پاکستان اتے یونیورسٹی آف سرگودھا وچال شعبہ کمیونیکیشن اینڈ میڈیا اسٹڈیز ??ے طالبیں کوں انٹرن شپ دے موقع ݙیوݨ ، نیوز رائٹنگ، رپورٹنگ اتے صحافت دے مختلف پہلوؤاں اچ تربیت ݙیوݨ سانڳے مفاہمت دی یادداشت تے دستخط کیتے ڳئن ۔ایم او یو تے اے پی پی دے منیجنگ ڈائریکٹر محمد عاصم کھچی اتے سرگودھا یونیورسٹی دے وائس چانسلر ملک قیصر عباس منعقدہ باضابطہ اجلاس اچ دستخط کیتن۔ ایں موقع تے پرو وائس چانسلر پروفیسر ڈاکٹر میاں غلام یاسین، شعبہ کمیونیکیشن اینڈ میڈیا سٹڈیز ??ے چیئرپرسن ڈاکٹر مدثر حسین شاہ تے طلباء دی وݙی تعداد موجود ہئی ۔معاہدے موجب سرکاری خبر رساں ادارہ(اے پی پی ) کمیونیکیشن اینڈ میڈیا اسٹڈیز ڈیپارٹمنٹ دے طالب علماں کوں موقع ݙیسی تے انھاں کوں رپورٹنگ دی تربیت ݙیسی ۔ اے پی پی یو ایس ٹی وی اتے وی او وی ایف ایم 98.2 کوں آپݨے نیوز پروگراماں اچ مدد ݙیوݨ سانڳے آپݨے نیوز کریڈ تئیں خصوصی رسائی ݙیسی ۔ ایں توں انڄ ، ݙوہیں فریق مشترکہ طور تے تربیتی ورکشاپاں اتے میڈیا متعلق ٻیاں سرگرمیاں دا اہتمام کریسن ۔تقریب توں خطاب کریندے ایم ڈی ( اے پی پی )محمد عاصم کھچی آک??یے ایم او یو نال تعلیمی علم اتے میڈیا پریکٹسز وچال فرق کوں گھٹ کیتا ونڄ سڳے۔ اے میڈیا دے طالب علماں کوں صحافت اچ مہارت گھنݨ سانڳے ضروری مہارتاں نال لیس کریسی جیں توں انھاں کوں مسابقتی میڈیا دے منظر نامے اچ برتری مسلی ۔ انہاں مزید آک??یے ایں طرح دی شراکت داری ھک بہترین اتے پیشہ ورانہ طور تے تربیت یافتہ افرادی قوت تیار کرݨ سانڳے ضروری اے جو معاشرے اچ بامعنی کردار ادا کرسڳدی اے ۔ عاصم کھچی میڈیا اچ آوݨ آلیاں تبدیلیاں تے وی روشنی پاتی۔انہاں آک??یے”ڈیجیٹل میڈیا ساݙے استعمال اتے خبراں دی تیاری دے طریقے کوں نویں شکل ݙیندا پئے جیں توں اڄ دے صحافیاں سانڳے موقع اتے چیلنجز ݙوہیں پیدا تھیندے پئن ۔اے پی پی دے منیجنگ ڈائریکٹر آک??یے روایتی توں ڈیجیٹل میڈیا دے پاسے منتقل تھیوݨ سانڳے مطابقت پذیری، تکنیکی مہارت اتے ناظرین دیاں ودھدیاں ضرورتاں دی گہری تفہیم دی لوڑھ اے ۔ انہاں آک??یے اے ایم او یو طالبیں کوں ایں متحرک منظر نامے اچ تیار کریسی تے انھاں کوں مستقبل سانڳے تیار میڈیا پروفیشنلز بݨݨ سانڳے بااختیار بݨیسی ۔ ایں موقع تے وائس چانسلر پروفیسر قیصر عباس سرکاری خبر رساں ادارے(اے پی پی ) اتے میڈیا ڈیپارٹمنٹ وچال تربیتی معاہدے دا خیر مقدم کیتے۔ انھاں آک??یے ایں طرح دے معاہدے ھک ݙوجھے دے تجربے دے تبادلے اچ اہم کردار ادا کریسن۔انہاں آک??یے “اے پی پی” نہ صرف ملک اچ بلکہ پوری دنیا اچ مثبت کردار نبھیندی پئی اے ۔ انھاں یونیورسٹی دے طالبیں کوں سکھݨ دا موقع ݙیوݨ تے ایم ڈی اے پی پی محمد عاصم کھچی دا شکریہ ادا کیتا۔ایں موقع تے ایسوسی ایٹڈ پریس آف پاکستان دے اسٹیشن انچارج مخدوم شاہ لطیف، اے پی پی ایمپلائز یونین اسلام آباد دے صدر خضر زمان ملک، سیکرٹری ٹو ایم ڈی ملک سلیم اعوان، اے پی پی ایمپلائز یونین دے جنرل سیکرٹری ندیم حسین ، اے پی پی پینل دے صحافی اطہر ندیم، رانا محمد وقاص، تنویر احمد قریشی وی موجود ہن۔
سرگودھا یونیورسٹی تے اے پی پی وچال طالبیں دی تربیت دے معاہدے تے دستخط
مضمون کا ماخذ : سندھ لاٹری
متعلقہ مضامین
