اسلام آباد۔28اکتوبر(اے پی پی) وزیر مملکت آئی ??ی و ٹیلی کمیونیکیشن شزہ فاطمہ خواجہ موسمیاتی تبدیلیاں دے حوالے نال سوشل میڈیا تے مناسب مہم چلاوݨ دی لوڑھ تے زور ݙیندے آکھیے موسمیاتی تبدیلی جیھے ہنگامی چیلنجز نال نبݨݨ اچ ٹیکنالوجی دا اہم کردار اے۔ “پہلی قومی یوتھ کلائمیٹ سمٹ” توں خطاب کریندے انھاں آکھیے اختراعی ڈیجیٹل حل نہ صرف ماحولیاتی پائیداری سانڳے ضروری اے بلکہ مجموعی اقتصادی لچک کوں چنڳاں بݨاوݨ تے مختلف شعبین اچ ترقی اڳوں ودھاوݨ سانڳے وی ضروری اے ۔شزہ فاطمہ آکھیے موسمیاتی تبدیلی ھک وݙا چیلنج اے تے موسمیاتی تحفظ سانڳے ہر ھک کوں کردار نبھاوݨا ہوسی کیوں جو موسمیاتی تبدیلی نال نبݨݨ سانڳے او عمل ساریں توں ودھ متاثر تھیندے جݙاں ایں وچ سارے شامل ہوون ۔ اساں نینگراں دے منفرد نکتہ نظر اتے توانائیاں دے بغیر موسمیاتی تبدیلیاں نال مؤثر طریقے نال نبڑ نی سڳدے ۔ وزیر مملکت آئی ??ی شزہ فاطمہ موسمیاتی تبدیلیاں دے حوالے نال سوشل میڈیا تے مناسب مہم چلاوݨ دی لوڑھ تے زور ݙتا۔ انھاں آخھیے آلودگی کھنڈاوݨ آلے عناصر کوں ختم کرݨ دی اشد لوڑھ اے ، جدت طرازی دی حمایت کرݨ دے سارے عزم دی ھک اہم مثال وزارت آئی ??ی ت?? ٹیلی کام دے تحت محکمہ اگنائٹ، کوپ۔29 اچ موسمیات?? ٹیکنالوجی، گرین ٹیک، اتے ایگر?? ٹیکاچ آپݨے اختراعی حل پیش کرݨ سانڳے سٹارٹ اپس دی طرفوں اڄوکے اقدامات ہن ۔انھاں آکھیے اے اقدام قابل قدر اے،موسمیاتی اقدامات تے عالمی مباحثیں اچ پاکستان دا موقف ساݙے سٹارٹ اپس سانڳے عالمی رہنماؤاں، پالیسی سازاں، اتے سرمایہ کاراں نال مشغول تھیوݨ دا بہترین موقع اے ۔ایویں نیشنل انکیوبیشن سینٹرز اگنائٹ دا فلیگ شپ پروگرام ہن،آئی ??ی اتے ٹیلی کام دی وزارت مختلف قسم دے اسٹارٹ اپس دی ترقی اچ اہم کردار نبھیندی اے ۔موسمیاتی لچکدار ڈیجیٹل معیشت جیڑھی عالمی معیارات موجب ہووے جیویں کوپ۔28 اچ روشنی پاتی ڳئی اے۔ وزیر مملکت آکھیے آئی ??ی اتے ٹیلی کام دی وزارت بامعنی ماحولیاتی اثرات سانڳے ٹیکنالوجی کوں استعمال کرݨ آلی کہیں وی کوشش دی حمایت سانڳے تیار ہیسے ، ٹیکنالوجی کوں ھک پل دے طور تے سمجھو جو علم کوں جوڑیندے ۔ انہاں تقریب اچ موجود سارے شرکاء تے زور ݙتا جو او آپݨی صلاحیتاں، نیٹ ورکس اتے وسائل کوں ایں مشن اچ شامل کرن،پائیدار تبدیلی پیدا کرݨ سانڳے مختلف شعبیں اتے کمیونٹی اچ اختراع، حمایت اتے تعاون کرن،آپ دا کردار خیالاں کوں نتیجے اچ بدالݨ تے موسمیاتی تبدیلی کوں نہ صرف جامع بلکہ ھکو سویں طور تے موثر بݨاوݨ اچ اہم اے۔
