اسلام آباد۔20اکتوبر(اے پی پی) وزیر قانون و انصاف اعظم نذیر تارڑآکھیے وفاقی کابینہ 26 ویں آئینی ترمیم دے مسودے دی منظوری ݙے ݙتی اے ، ایں وچ چ??ف جسٹس دی تقرری دا طریقہ کار وا??ح کیتا ڳئے ،چ??ف جسٹس دی تقرری دا اختیار وزیراعظم استعمال نہ کریسن بلکہ انھاں آپݨا اے اختیار پارلیمان کوں ݙے ݙتے ، 12 رکنی کمیٹی ناں فائنل کر تے وزیراعظم کوں بھجویسی ،چ??ف جسٹس ریٹائرمنٹ تئیں یا ترائے سال تئیں چ??ف جسٹس رہ سڳسن، آئینی ترامیمی مسودے اچ جے یو آئی دیاں پنج تجویز کیتیاں ڳیاں ترامیم پہلے ہی موجود ہن ۔ او پارلیمنٹ ہائوس دے ٻاہروں وفاقی وزیر اطلاعات و نشریات عطاء اللہ تارڑ دے رلے میڈیا نال ڳالھ مہاڑ کریندے پئے ہن ۔ وزیر قانون اعظم نذیر تارڑݙسائے جو وفاقی کابینہ توں منظوری دے بعد 26ویں آئینی ترمیم پارلیمنٹ اچ پیش کرݨ ویندے پیوں ، اے اوہو مسودہ اے جیڑھا خصوصی پارلیمانی کمیٹی اتفاق رائے نال منظور کیتا ہئی ۔ پاکستان مسلم لیگ ن ، پی پی پی ، استحکام پاکستان پارٹی ، عوامی نیشنل پارٹی، ایم کیو ایم ، مسلم لیگ ن ضیاء ، بلوچستان عوامی پارٹی اتے نیشنل پارٹی سودھے ٻیان اتحادی جماعتاں مختلف اوقات اچ خصوصی پارلیمانی کمیٹی دے اجلاس اچ اتفاق رائے کیتے ۔ چیئرمین پیپلز پارٹی بلاول بھٹو دیاں کوششاں ہن ، انھاں نہ صرف اتحادی جماعتاں بلکہ جے یو آئی سودھے ساری اپوزیشن جماعتاں نال ڳالھ مہاڑ کیتی ، انھاں آکھیے لاہور ، کراچی اچ مولانا فضل الرحمان دی قانونی ٹیم نال تفصیلی ڳالھ مہاڑ تھئی ہئی ایں وچ وسیع اتفاق رائے تھئے، ایندے بعد اتحادی جماعتاں کوں اعتماد اچ ڳھدے ، جے یو آئی پاکستان جیڑھیاں پنج ترمیم تجویز کیتیاں ہن او پہلے ہی مسودے اچ شامل ہن ۔ ایں وچ اسلامی نظریاتی کونسل دی رپوٹس ، شریعت کورٹ دے سود د?? حوالے نال فیصلے اتے ٻئے امور ہن ، جے فلور تے جے یو آئی گھن آسی تاں ایں تے غور کیتا ویسی ، آئینی بنچاں د?? حوالے نال سپریم کورٹ دی سطح تے اتے صوبیں اچ میکنزم وا??ح کرݙتا ڳئے ، صوبیں اچ آئینی بنچاں دی لاجسٹک تیاری ضروری اے ،صوبیں دی اسمبلیاں مجموعی ممبران دے 51 فیصد نال قرادار منظور کرے تاں اتھاں صوبائی آئینی بنچ بݨ سڳسی ۔آئینی بنچاں دی تشکیل دا اختیار چ??ف جسٹس دی سربراہی اچ جوڈیشل کمیشن کنے ہوسی ۔ججز دی تقرری اتے کنفرمیشن 18 ویں ترامیم دے بعدجوڈیشل کمیشن کریندے ، جوڈیشل کمیشن دی نویں شکل اے ہے جو چ??ف جسٹس سپریم کورٹ ،چار سینئر ججز سپریم کوٹ، چار پارلیمنٹرین ، وزیر قانون اتے اٹارنی جنرل ایندا حصہ ہوسن ، صوبائی جوڈیشل کمیشن اچ کوئی تبدیلی نی گھن آئی ڳئی۔ ججز دی کارکردگی ،صوبے دے چ??ف جسٹس ،سینئر جج ، صوبائی وزیر قانون بدستور حصہ رہسن ،کارکردگی دی تشخیص وی شامل کرݙتی ڳئی اے ۔جوڈیشل کمیشن کوں اختیار ہوسی او رولز بݨا تے ھک طریقہ کار وا??ح کرن ۔ جوڈیشل کمیشن چ??ف جسٹس اتے صوبائی ہائیکورٹ دے چ??ف جسٹس نال رل تے ججز دی کارکردگی دا جائزہ گھن سڳسن ۔ وزیر قانون اعظم نذیر تارڑآکھیے کمیشن ججز دی پیشہ وا??انہ استعداد بارے اپݨی رپورٹ ݙیسی ، قومی اسمبلی تے صوبائی اسمبلی اچ پنج پنج ٹینکیکل ایڈوائزز آئین دے تحت لا سڳدوں ۔چ??ف جسٹس دی تقرری ایں پیکیج دا حصہ اے ،چ??ف جسٹس سانڳے ترائے سینئر ججز دے ناں ویسن انھاں اچوں چ??ف جسٹس تعینات کیتا ویسی ۔ اے اختیار وزیراعظم استعمال نہ کریسن بلکہ انھاں آپݨا اختیار پارلیمان کوں ݙے ݙتے ، 12 رکنی کمیٹی جیں اچ 8 ایم این اے 4 سینیٹر ہوسن ناں فائنل کرتے وزیراعظم کوں بھجویسی انھاں آکھیے چ??ف جسٹس دی مدت ریٹائرڈ منٹ تئیں یا ترائے سال مقرر کیتی ڳئی اے ، اساں چھی مہینے ٻہوں محنت کیتی اے ، 100 ترامیم تے مشتمل ٹرائل اچ دیر،ایف آئی آر، ضمانت ، اخراج ،ماہرین دیاں رپورٹاں سودھے 150 سال توں رکی ہوئی چیزاں کوں چنڳاں بݨاوݨ دی کوشش کیتی اے ،اے مسودہ آوݨ آلے ݙینھاں اچ پارلیمان اچ پیش کیتی ویسی۔
