اسلام آباد۔10ستمبر(اے پی پی)وفاقی وزیر اطلاعات و نشریات چوہدری فواد حسین آکھیے جو اڄوکے بحران اچ افغان عوام کوں کلہا نہ چھڑیسوں، افغانستان کیتے پاکستان اہم راہداری اے، انسانی ہمدردی سانڳے افغان عوام دا پورا ہتھ ونݙیسوں، پاکستان اتے کیوبن نیوز ایجنسیاں وچال خبراں دے تبادلہ نال ساݙے تعلقات ٻئے تکڑے تھیسن۔ اے ڳالھ انہاں قومی نیوز ایجنسی ایسوسی ایٹڈ پریس آف پاکستان (اے پی پی) اتے کیوبا دی نیوز ایجنسی پرسینا لیٹینا وچال مفاہمت دی یادداشت تے دستخط ویلھے تقریب نال خطاب اچ آکھی۔ چوہدری فواد حسین آکھیا جو وزار?? اطلاعات دے ایکسٹرنل پبلسٹی ونگ کوں جدت ݙتی ڳئی اے، جئیں ہݨ تئیں افغانستان اچ غیر ملکی میڈیا کوں 250 ویزے اتے 85 بارڈر کراسنگ این او سیز ݙتن، کابل اچ پھسیے سیکڑاں صحافیاں کو?? کݙھیا ڳئے۔ کیوبن سفیر زینیئر جیویئر کیرو گونزیلز ایں موقع تے آکھیا جو جع??ی نیوز دا مسئلہ کیوبا کوں وی ہے، اے پی پی نال خبراں دے تبادلے نال اطلاعات دے شعبہ اچ تعلقات تکڑے تھیسن۔ معاہدے دی یادداشت تے کیوبا دے سفیر اتے قومی خبر رساں ادارہ ایسوسی ایٹڈ پریس آف پاکستان دے منیجنگ ڈائریکٹر مبشر حسن دستخط کیتن۔ تقریب اچ سیکریٹری اطلاعات شاہیرہ شاہد اتے وزا??ت دے ٻئے افسران موجود ہن۔
قومی نیوز ایجنسی ایسوسی ایٹڈ پریس آف پاکستان (اے پی پی) اتے کیوبا دی نیوز ایجنسی پرسینا لیٹینا وچال مفاہمت دی یادداشت تے دستخط
متعلقہ مضامین
