اسلام آباد ۔ 18 اگست (اے پی پ??) حکومت دی ڈو سالہ کارکردگی رپورٹ دے اجراءدے موقع تے منگل کوں میڈیا نال گال مہاڑ کریندے ہوئیں وزیراعظم دے مشیر خزانہ ڈاکٹر عبدالحفیظ شیخ آکھیے جو جڈاں حکومت اقتدار اچ آئی تاں بحران دی کیفیت ہئی ، باہرلے تے اندرلے گھاٹے اتلویں سطح تے ہن ، گزریل پنج سال دے دوران برآمدات دی شرح نمو صفر ہئی ، وزیراعظم عمران خان دی قیادت اچ وفاقی حکومت پائیدار اقتصادی ترقی دافیصلہ کیتا جیں دے نتیجے اچ باہرلے تجارتی گھاٹے 20??رب ڈالر توں ترائے ??رب ڈالر تئیں گھٹ تھی گیا ، اقتصادی بحران دی ہک بئی وجہ حکومت دے ودھدے خرچے ہن ، حکومت گزریل ڈو سال دے دوران انہاں خرچیں تے سختی نال کنٹرول کیتے ،کابینہ دے ارکان دیاں تنخواہیں ،، ایوان صدر و وزیراعظم دے خرچے گھٹ کرنڑ دے علاوہ فوج تے سول بجٹ کوں گھٹ کیتا گئے تاں جو اساں ترقیاتی خرچے اچ ودھارے دا عمل جاری رہیا۔ کورونا وائرس دی وبادے دوران درپیش چیلنجزدے حوالے نال وزیراعظم عمران خان ہدایت کیتی جو وبا توں عام بندے دی زندگی متاثر نہ تھیوے، حکومت 1240??رب روپے دا پیکیج ڈتا جیں دے کئی حصے ہن ، زرمبادلہ دے ذخائرہک سال دے دوران ادھ تھی گئے ہن تے ڈیفالٹ دا خطرہ ہئی ، حکومت دے اقتدار اچ آندے ہی ملک کوں ڈیفالٹ تھیونڑ توں بچاونڑ کیتے تے بحران نال نبڑنڑ کیتے حکمت عملی مرتب کیتی گی ۔اقتصادی بحران پاروں ڈالر دا بحران ہئی کیوں جو اساڈی درآمدات 40 ??رب جڈاں جو برآمدات 20??رب ڈالر دے نیڑے ہن ،۔ حفیظ شیخ آکھیے جو پاکستان تحریک انصاف دی حکومت گزریل ڈو سال اچ ماضی دے قرضیں دی مد اچ پنج ??زا?? ??رب روپے دیاں ادائیگیاں کیتیاں ۔مشیر خزانہ آکھیے جو وزیراعظم عمران خان دی قیادت اچ وفاقی حکومت پائیدار اقتصادی ترقی دا فیصلہ کیتا جیں دے نتیجے اچ باہرلی تجارتی خسارہ 20 ??رب ڈالر توں 3??رب ڈالر تئیں گھٹ تھی گیا ۔ حفیظ شیخ آکھیے جو حکومت ڈو سال اچ سٹیٹ بینک توں کوئی قرضہ گھدے تے نہ ہی کہیں ادارے کوں سپلی مینٹری گرانٹ ڈتی گی اے ۔ میکرو اکانومی کوں مستحکم کیتا گیا ، قومی معیشت دے حوالے نال مقامی تے باہرلے خدشات تے قابو پاتا گیا ۔ٹیکس وصولیاں دی شرح اچ 17فی??د ودھارا تھیا ۔انہاں آکھیے جو حکومت دی ڈو سالہ تاریخ وڈی شاندار اے لوکاں کوں250 ??رب روپے امداد ڈتی گی ، کورونا ریلیف پیکج دے تحت ہک کروڑ60 لکھ خانداناںکوں امداد ڈتی گی ۔حفیظ شیخ آکھیا جو زرعی شعبہ کےتے وی حکومت 280 ??رب روپے ڈتن ۔ انہاں آکھیے جو کورونا وائرس دے دوران حکومت دے ریلیف پیکج دا عالمی برادری اعتراف کریندی اے اتے موڈیز، فچ اتے عالمی مالیاتی فنڈدے بورڈ آپ دی رپورٹس اچ انہاں اقدامات دا اعتراف کیتے تے انہاں دی تعریف کیتی اے ۔انہاں آکھیے جو گزریل ڈو سال اچ ملک اچ کیتی ونجنڑ آلی غیر ملکی سرمایہ کاری اچ 188فی??د ودھارا تھئے ۔ انہاں آکھیے اجوکے مالی سال دے پہلے جولائی2020ءدے دوران ملکی برآمدات 6فی??د ودھ گن ، سیمنٹ دی وکامت 33 فیصد، پٹرول و ڈیزل دی وکامت15فیصد جڈاں جو موٹرسائیکلز دی وکامت31 فیصد اتے گاڈیاں دی وکامت4 فی??د ودھی اے ۔ ایں دوران 2.8??رب ڈالر دی ریکارڈ ترسیلات زرموصول تھئن۔ انہاں آکھیے جو ایف بی آر ہک مہینے وچ 300 ??رب روپے دے ٹیکس وصول کیتے گزریل مالی سال دے مقابلے اچ23فی??د ودھ ہن ۔ انہاں آکھیے جو حکومت ملک دی پائیدار معاشی ترقی دی پالیسی تے پائیدار ترقی دے اقدامات کوں برقرار رکھیسی۔
حکومت گزریل ڈو سال دے دوران سٹیٹ بینک توں کوئی قرضہ نی گھدا ، میکرو اکانومی کوں مستحکم کیتے ، ٹیکس وصولیاں دی شرح اچ 17فیصد ودھارا تھئے ، وزیراعظم دے مشیر خزانہ ڈاکٹر عبدالحفیظ شیخ
مضمون کا ماخذ : میگا ملینز کا انعام
متعلقہ مضامین
