بیجنگ ۔17 مارچ (اے پی پی) وزیر خارجہ مخدوم شاہ محمود قریشی آکھیے جو سی پیک نال اساڈی معاشی ترقی جڑی ہوئی اے ۔اساں پاک چین دوستی کوں خطے اچ خوشحالی دے پیغام دے طور تے سامنڑے گھن آونڑ چاہندوں ۔منگل کوں بیجنگ اچ پاک چین لازوال دوستی اتے اپنڑے دورہ ءچین دے اغراض و مقاصد دے حوالے نال میڈیا نال گال مہاڑ کریندے ہوئیں وزیر خارجہ آکھیے جو تاریخ گواہ اے جو زلزلہ ہووے ،سیلاب یا کوئی بئی آفت ہووے چین دی قیادت تے عوام ہر اوکھے ویلھے پاکستان دے رلے کھڑی اے اج چین تے کرونا وائرس دی صورت اچ اوکھا ویلھا آئے تاں اساں پاکستان دے وزیراعظم عمران خان اتے پاکستانی عوام دی طرفوں اپنڑے چینی بھراویں نال اظہار یکجہتی کرنڑ آئیوں ۔انہاں آکھیے جو چین جیویں کرونا دے چیلنج دا سامنڑاں کیتے ایندی مثال نی ملدی ،ہزاراں لوک کرونا توں متاثر تھئن لیکن کمال قومی یکجہتی دا مظاہرہ کیتا گے ۔ڈینھ اچ ہسپتال کھڑے کر گھدن تے اج چین تقریباً کرونا تے قابو پا گھدے او صوبہ جتھاں وبا دا تناسب ودھ ہئی اتھاں اج صرف ہک کیس رپورٹ تھئے تے پورے چین اچ 21کیس رپورٹ تھن ۔کورونا وائرس توں انفیکشن دے کیسز اچ کمی بہوں ??ڈی کامیابی اے ۔
سی پیک نال اساڈی معاشی ترقی جڑی اے ، وزیر خارجہ مخدوم شاہ محمود قریشی
مضمون کا ماخذ : پاور بال کا ٹکٹ
متعلقہ مضامین
