اسلام آباد۔19دسمبر (اے پی پی) پاکستان نیشنل ڈویلپمنٹ کمپلیکس اتے ترائے تجارتی اداریاں تے امریکی پابندیاں تے آپݨے ردعمل اچ آکھیا جو پاکستان این ڈی سی اتے ترائے تجارتی اداریاں تے پابندیاں لاوݨ دے امریکی فیصلے کوں بدقسمتی اتے متعصبانہ قرار ݙتے۔ دفترخارجہ توں خمیس کوں جاری بیان موجب پاکستان دی سٹریٹجک صلاحیتاں دا مقصد ا??ند?? خودمختاری دا دفاع اتے جنوبی ایشیا اچ امن تے استحکام کوں برقرار رکھݨ اے۔ بیان اچ آکھیا ڳئیا جو نویں پابندیاں امن تے سلامتی دے مقصد توں ہٹ تے ہن جئیں دامقصد فوجی عدم توازن ودھاوݨ اے۔ ایجھی پالیسیاں اساݙے خطے اتے اوں توں ٻاہر دے اسٹریٹیجک استحکام کیتے خطرناک ہن۔ بیان موجب پاکستان دا سٹریٹجک پروگرام ہک مقدس امانت اے جئیں کوں 240 ملین لوکاں پاکستان دی قیادت کوں عطا کیتے جئیں تے سمجھوتہ نی کیتا ونڄ سڳدا۔ دفترخارجہ آپݨے بیان اچ آکھیا جو اساݙی نجی تجارتی اداریاں تے پابندیاں لاوݨ افسوسناک اے۔ بیان اچ آکھیا ڳئیا جو عدم پھیلاؤ دے اصولاں تے سختی نال عمل کرݨ دا دعویٰ کیتا ??ئے جڈانجو ماضی اچ ݙوجھے ملکاں کوں جدید فوجی ٹیکنالوجی کیتے لائسنس دی شرط کوں ختم کر ݙتا ڳئے۔ پاکستان واضح کیتا جو ایجھے دہرے معیارات اتے امتیازی طرزعمل نہ صرف عدم پھیلاؤ دی کوششاں د?? ساکھ کوں نقصان ݙیندن بلکہ علاقائی اتے بین الاقوامی امن تے سلامتی کوں وی خطرے اچ پیندن۔
اداریاں تے پابندیاں لاوݨ دا امریکی فیصلہ متعصبانہ اے، ترجمان دفتر خارجہ
مضمون کا ماخذ : اسرار ریلز
متعلقہ مضامین
