اسلام آباد۔2مارچ (اے پی پی):بھارت اپݨے جاسوس کلبھوشن یادیو کیتے پاکستان دی طرفوں ݙتی ڳئی قانونی چارہ جوئی توں فیدہ چاوݨ اچ ناکام رہیا ، بھارتی جاسوس اتے’’ را ‘‘دےدہشت گرد کلبھوشن ??ادیو کوں چھی سال پہلے بلوچستان اچ پاکستانی سرزمین تے تخریبی سرگرمیاں کرݨ دے الزام اچ گرفتار کیتا ڳیا ہئی ۔بین الاقوامی عدالت انصاف (آئی سی جے) دی ہدایت دے مطابق نظرثانی دی درخواست دائر کرݨ توں بھارت دا مسلسل گریز ایں زمینی حقیقت توں انکاردا منہ ٻولیندا ثبوت اےجݙاں جو بھارت دے حاضر سروس نیوی کمانڈر کوں 3 مارچ 2016 کوں بلوچستان اچ رنگے ہتھوں وٹھیا ڳیا ہئی ،کمانڈر یادیو دے معاملے اچ پاکستان دی پارلیمنٹ آئی سی جے دے ری ویواتے نظر ثانی ایکٹ 2020 ناں تون قانون سازی کیتی ہئی جیں اچ آئی سی جے دے فیصلے دے حوالے نال ری ویواتے نظر ثانی دا حق ݙتا ڳیا ہئی ۔دفتر خارجہ موجب ٻل دی منظوری ایں ڳالھ دی توثیق کیتی جو پاکستان آئی سی جے دے فیصلے دے حوالے نال آپݨی ذمے واری انتہائی سنجیدگی نال نبھیندا پئے ، جیویں جو پاکستان ول ول بھارت کوں آئی سی جے دے فیصلے دے پیراگراف 118 دے تحت کلبھوشن یادیو دی قانونی نمائندگی دے انتظام کیتے آپݨی ذمے واری دی یاد ݙیوائی ، بھارت دی طرفوں ردعمل ایں ڳالھ دا واضح مظہر اے جو بھارت پاکستان دے خل??ف اپݨی تخریب کاری دیاں سرگرمیاں دے ٹھوس ثبوت توں گریزاں اے۔ بھارتی جاسوس اتے’’ را ‘‘دا دہشت گرد کلبھوشن ??ادیوپاکستان اچ دہشت گردی دی ٻہوں ساریاں کاروائیاں اچ سہولت کار پاتا ڳے، جیں دے نتیجے اچ پاکستاناچ بے شمار بے گناہ شہری جاں بحق تھئے۔کلبھوشن یادیو عرف حسین مبارک پٹیل کوں 3 مارچ 2016 کوں بلوچستان دے علاقے ماشکیل توں ایرانی پاسپورٹ تے پاکستان ویندے ہوئیں گرفتار کیتا ڳیا ہئی ۔ بھارتی بحریہ دا اے حاضر سروس افسر بھارتی حکومت دی طرفوں پاکستان دے خلاف جاسوسی، دہشت گردی تے رتخریب کاری دی کارروائیاں اچ ملوث ہئی ۔کلبھوشن 5 اپریل 1969 کوں بھارتی ریاست مہاراشٹر دے شہر سانگلی اچ ڄمیا جیں 1987 اچ انڈین نیشنل ڈیفنس اکیڈمی اچ شمولیت اختیار کیتی تے 1991 اچ انڈین نیوی دی انجینئرنگ برانچ اچ کمیشن حاصل کیتا۔کلبھوشن ??ادیو کوں 2013 دے چھیکڑ اچ بھارتی خفیہ ایجنسی ریسرچ اینڈ اینالائسز ونگ (را) بھرتی کیتا جیڑھا جو کراچی تے بلوچستان اچ مختلف تخریبی کارروائیاں کریندا رہیا ۔ را آپݨی اصل شناخت لکاوݨ کیتے یادیو کوں حسین مبارک پٹیل دا ناں ݙتا جیں دا کم بلوچ باغیاں نال ملاقاتاں کرݨ تے مجرمانہ نوعیت دیاں سرگرمیاں انجام ݙیوݨ کیتے انہاں دے نال تعاون کرݨا ہئی ۔تفتیش اچ او ݙسائے جو وڈھ اچ او حاجی بلوچ دے نال رابطے اچ ہئی ، جیڑھا کراچی اچ بلوچ علیحدگی پسنداں اتے اسلامک اسٹیٹ نیٹ ورک کوں مالی اتے لاجسٹک سپورٹ ݙیندا ہئی ۔بھارتی جاسوس اے وی منیے جو او صفورا بس حملے دے ماسٹر ما??نڈ وی حاجی بلوچ نال رابطے اچ ہئی جیں اچ مسلح لوکاں 45 اسماعیلی مسافراں کوں گولی مار تے ماریا ہئی ، ،یادیو دی اطلاع تے پاکستانی سیکورٹی ایجنسیاں سینکڑاں خفیہ کارندیں کوں گرفتار کیتا جیڑھے جو پاکستان اچ امن کوں ونڄاوݨ کیتے کم کریندے پئے ہن ۔
کلبھوشن یادیودی گرفتاری دے چھی سال،بھارت اپݨے جاسوس کیتے پاکستان توں قانونی چارہ جوئی توں استفادہ اچ ناکام رہیا،پکے ثبوتاں دی بنیاد تے نظرثانی درخواست دائر نئی کیتی
مضمون کا ماخذ : لاٹری کے عمومی نمبر
متعلقہ مضامین
