اپر دیر۔ 20 جولائی (اے پی پی) وزیر اعظم محمد نواز شریف آکھیا جو ہر ڈینھ استعفیٰ دی خیرات منگنڑ آلیاں کوں شرم آونڑی چاہیدی اے،کیا میں انہاں دے ووٹاں نال وزیراعظم بنڑیاں،2014ءاچ شاہراہ دستور چار مہینیاں تئیں یرغمال بنڑی رہی ،آئین اتے قنون دے کفن بنڑدے رہندن،اساں فتنے فساد دی قوتاں دے سامنڑے سر کائنی سٹیا،اج کل مخالفین دے سرکس تے پانامہ لیکس دا بورڈلگیا ہوئیا اے،ایں احتساب کوں کوئی کائنا منیسی،اے احتساب کائنی استحصال اے۔انہاں اے گالھیں خمیس کوں اتھاں لواری ٹنل دے افتتاح دے موقع تے ہک وڈے کٹھ نال خطاب کریندیں ہوئیں آکھی۔ایں موقع تے گورنر خیبر پختونخ??ا اقبال ظفر جھگڑا، وزیر اعظم دے مشیر مہتاب عباسی، صوبائی صدر مسلم لیگ (ن) انجینئر امیر مقام، سابق وزیر اعلیٰ پیر صابر شاہ، چترال توں رکن قومی اسملبی سید افتخار ا لدین، مسلم لیگ (ن) یوتھ ونگ دے سربراہ کیپٹن (ر) صفدر، ڈپٹی سپیکر قومی اسمبلی مرتضیٰ جاوید عباسی وی موجود ہن ۔وزیراعظم تختی دی نقاب کشائی کر تے لواری ٹنل دا افتتاح کیتا اتے ملک دی خوشحالی اتے ترقی سانگے دعا منگی۔وزیراعظم کوں لواری ٹنل منصوبے بارے بریفنگ ڈتی گئی۔انہاں سرنگ دا دورہ وی کیتال۔ایں موقع تے خطاب کریندیں ہوئیں انہاں آکھیا جو ایں وچ کوئی شک کائنی جو چار سالہ دور حکومت اچ میڈے سانگے کوئی خوشی دا ساریاں توں وڈا ڈینھ اے تاں او اج دا ڈینھ اے جڈاں میڈے لواری ٹنل دا منصوبہ پورا تھیندا پئے ۔ایں حلقے دی عوام نواز شریف کوں ووٹ کائنی ڈتے اتھاں توں افتخار الدین جتےے انہاں دا تعلق اساڈی جما??ت نال کائنی ،انہاں دے والد دا اساڈی جما??ت نال تعلق ہئی۔وزیراعظم آکھیا جو کجھ لوک آکھندن جو اساں نواں پاکستان بنڑیسوں میں انہاں کوں آکھداں جو نواں پاکستان بعد اچ بنڑاونڑ پہلے نواں کے پی کے بنڑاﺅ او وی کائنی بنڑا سگے۔
وزیراعظم محمد نواز شریف دا لواری ٹنل دے افتتاح دے موقع تے ہک وڈے عوامی کٹھ توں خطاب
مضمون کا ماخذ : خون چوسنے والے II
متعلقہ مضامین
.jpg)