اسلام آباد۔17ستمبر(اے پی پی)چیئرمین سینٹ سید یوسف رضا گیلانی آکھیے جو اسلام ہک مکمل ضابطہ حیات اے جیڑھا ڄیوݨ دے مختلف پہلواں بارے رہنما اصول ݙیندے جیندے سوجھلے اچ اساں مختلف شعبیاں اچ سملیاں تے کامیابی نال قابو پا سڳدے ہیں، تعلیم اسلامی معاشرے دا بنیادی جزو اے، علم دے بغیر اسلامی مثالی معاشرے دا خواب پورا نئیں تھی سڳدا۔ اے ڳالھ ان??اں وزارت مذہبی امور و بین المذاہب ہم آہنگی ولوں عیدمیلاد النبیۖ ﷺ سانگے قومی سیرت النبیۖﷺ کانفرنس نال خطاب اچ آکھی اتے کانفرنس دے اختتامی سیشن دی صدارت کیتی۔ ان??اں آکھیا جو حضورﷺ دی حیات طیبہ ساݙے کیتے بہترین نمونہ اے، ہر مسلمان دا اے فرض اے جو او حضورﷺ دی تعلیمات تے عمل کرن، اسلام دی دعوت دا بنیادی مقصد انسان دی اخلاقی تربیت، تزکیہ نفس اتے دنیا و آخرت دی کامیابی کیتے ہک مکمل اتے بہترین انسان دی تیاری اے، ﷲ تعالیٰ حضورﷺ کوں امت کیتے معلم ٻݨا تے ٻھیڄیا اتے آپﷺ حیات طیبہ نال دین دی تعلیمات دا علمی نمونہ وی ݙکھایا اتے ہک مثالی اسلامی معاشرے دی بنیاد رکھی، تہاݙی تربیت نال قرون اولیٰ دے مسلماناں ڄڳ اچ ہک نویکلا مقام ٻݨائے، مسلماناں اے سنیہا اپݨی علمی و اخلاقی برتری نال ڳھدے، قرآن کر??م دے نزول دا آغاز ہی ”اقرا اتے قلم نال علم سکھاوݨ” ن??ل تھئے، حضورﷺ آپ امت اتے اپݨے اصحاب دی تعلیم و تربیت دا خصوصی اہتمام کیتے اتے مسجد نبوی اچ اہل صفہ دی تعل??م دا بندوبست کیتے اتے ٻئے پاسو جنگی قیدیاں کیتے آزادی دے بدلے ناخواندہ صحابیاں دی تعلیم ݙیوݨ دی شرط رکھی، ایں بنیاد تے آکھیا ونڄ سڳدے جو تعلیم اسلامی معاشرے دا بنیادی جزو اے، اپݨے شہریاں دی تعل??م دا بندوبست اسلامی ریاست دے فرائض ہین، اسان اپݨے تعلیمی نظام اچ طلباء کوں اخلاقی اعتبار نال بہترین انسان ٻݨآوݨ تے توجہ ݙیووں، اے اینڄھا نظام ہووے جیڑھا ساݙے لوکاں کوں اخلاقی و دینی ذمہ داریاں پوریاں کرݨ آلا ٻݨاوے۔
تعلیم اسلامی معاشرے دا بنیادی جزو، علم دے بغیر اسلامی مثالی معاشرے دا خواب پورا نئیں تھی سڳدا، سید یوسف رضا گیلانی دا قومی سیرت النبی ؐ کانفرنس نال خطاب
مضمون کا ماخذ : پریمیوس لوٹومینیا
متعلقہ مضامین
